បន្ទាប់បានដើរបង្ហាញឈុតតំណាងជាតិ «ក្សត្រីក្រុងកម្ពុជានៃវប្បធម៌អរិយធម៌» នៅលើវេទិកាប្រកួតបវរកញ្ញាឯក Miss Grand International 2021 បវរកញ្ញា ប៉ូ គីមថេងសុតធីតា Miss Grand Cambodia 2021 បានធ្វើឱ្យបងប្អូនអ្នកគាំទ្រខ្មែរជាច្រើននាក់មានក្ដីរំពឹង និងមោទនភាពចំពោះកញ្ញាយ៉ាងខ្លាំង។
នៅពេលចប់កម្មវិធី កញ្ញា ប៉ូ គីមថេងសុតធីតា បានសម្រក់ទឹកភ្នែកដោយបង្ហាញក្ដីរំភើបថា នាងស្រក់ទឹកភ្នែកព្រោះពាក្យមួយឃ្លាថា Angkor Wat is belong to Cambodia មានន័យថា អង្គរវត្តជារបស់កម្ពុជា។
យ៉ាងណាមិញ វេទិកាដើរបង្ហាញម៉ូដឈុតតំណាងជាតិរបស់បណ្ដាប្រទេសនីមួយៗបានបញ្ចប់យប់មិញនេះ តែនៅលើហ្វេសប៊ុកផេក Miss Grand International បានប្រកាសជាផ្លូវការនូវការចូលរួមបោះឆ្នោតចំពោះឈុតតំណាងជាតិចំនួន២០ឈុត ដែលតម្រូវឱ្យឈ្នះការបោះឆ្នោតដោយមហាជនចំនួន ១០ឈុត និងឈ្នះដោយការកាត់សេចក្ដីរបស់គណៈកម្មការប្រកួតចំនួន១០ឈុត។ ដើម្បីបោះឆ្នោតឱ្យឈុតតំណាងជាតិ «ក្សត្រីក្រុងកម្ពុជានៃវប្បធម៌អរិយធម៌» គឺត្រូវគោរពតាមលក្ខន្តិកៈចំនួន២ គឺទី១-បោះឆ្នោតតាមរយៈ 𝗙𝗔𝗖𝗘𝗕𝗢𝗢𝗞 ៖ 1 Like ស្មើ 1 ពិន្ទុ 1 Share ស្មើ 2 ពិន្ទុ និងលក្ខខណ្ឌទី២បោះឆ្នោតតាមរយៈ 𝗜𝗡𝗦𝗧𝗔𝗚𝗥𝗔𝗠 ៖ 1 Like ស្មើ 10 ពិន្ទុ។ ក្នុងការបោះឆ្នោតនៅលើ Instagram ដំបូងអ្នកចូលរួមបោះឆ្នោតទាំងអស់ ត្រូវចូលទៅ 𝙁𝙊𝙇𝙇𝙊𝙒 គណនី Instagram MGI ( Miss Grand International ) ជាមុនសិន។
សូមបញ្ជាក់ផងដែរថា ការបោះឆ្នោតឱ្យឈុតតំណាងជាតិ «ក្សត្រីក្រុងកម្ពុជានៃវប្បធម៌អរិយធម៌» ដែលគ្រងដោយបវរកញ្ញា ប៉ូ គីមថេងសុតធីតា Miss Grand Cambodia 2021 នឹងចាប់ផ្ដើមពីពេលនេះតទៅ រហូតបញ្ចប់បិទការបោះឆ្នោតនៅថ្ងៃទី ២ ខែធ្នូ វេលាម៉ោង ១២ ថ្ងៃត្រង់ (ម៉ោងក្នុងប្រទេសថៃ)។ ចំពោះព័ត៌មានលម្អិតបន្ថែម អ្នកទាំងអស់គ្នាចូលទៅកាន់ 𝗙𝗔𝗖𝗘𝗕𝗢𝗢𝗞 Miss Grand International ៕