ដូចមហាជនខ្លះបានស្គាល់ពីតារាបង្ហាញម៉ូដស្រី អ្នកនាង ប្រាសាទ ដាវីន ដែលធ្លាប់បាត់មុខពីវិស័យសិល្បៈអស់រយៈពេលជាច្រើនឆ្នាំមកហើយ។ តារាស្រីរូបនេះធ្លាប់បានចាកចេញពីប្រទេសកម្ពុជា ទៅរស់នៅអូស្ត្រាលីជាមួយស្វាមី និងមានកូនស្រីម្នាក់ ដោយសាងគ្រួសារនៅទីនោះយ៉ាងមានសេចក្ដីក្ដីសុខ ។
ប៉ុន្មានឆ្នាំចុងក្រោយនេះ ទើបគេបានឃើញតារាម៉ូដែលរូបនេះប្រើជីវិតរស់នៅក្នុងប្រទេសកម្ពុជា តែនាងមិនបានចូលសម្ដែង ឬប្រឡូកសិល្បៈដូចមុនទៀតហើយ។ ប្រាសាទ ដាវីន តែងតែបង្ហាញខ្លួនក្នុងការថតសម្អាង ថតហ្វេសសិន និងចូលរួមកម្មវិធីសប្បុរសធម៌ជាដើម។ បើទោះបីជាមានកូនហើយក៏ដោយ តែតារាស្រីរូបនេះ នៅតែថែរក្សាសម្រស់ និងរូបរាងបានស្អាតដដែរ ពោលគឺមិនចាញ់តារាម៉ូឌែលផ្សេងៗឡើយ។
ថ្មីៗនេះ អ្នកនាង ប្រាសាទ ដាវីន បានបង្ហោះរូបនៅហ្វេសប៊ុករបស់ខ្លួនជាច្រើនសន្លឹក ដែលមើលឃើញថា នាងតែងខ្លួនជាតួអង្គ Avatar រហូតធ្វើឱ្យអ្នកគាំទ្រចំណាំសឹងមិនបាន នឹកស្មានតែជាតួហូលីវូដ។ បើតាមការអះអាងរបស់អ្នកផាត់មុខ លោក Vart Van បានរៀរាប់ថា លោកបានចំណាយពេល៤ ទៅ៥ម៉ោងដើម្បីផាត់ និងគូមុខឱ្យតារាស្រី ប្រាសាទ ដាវីន មើលទៅដូចតួអង្គ Avatar។ លោកថា មិនត្រឹមតែការផាត់មុខនោះទេ សូម្បីតែគ្រឿងតុបតែងកាយ ក៏លោករចនាថ្មីដោយខ្លួនលោកដែរ។
ការបង្ហាញស្នាដៃនេះ ត្រូវបានអ្នកគាំទ្រជាច្រើននាក់ Comment កោតសរសើរមិនដាច់ពីមាត់ថាមានថ្វីដៃល្អ។ ចង់ដឹងថា រូបភាពអ្នកនាង ប្រាសាទ ដាវីន ស្រស់ស្អាត ហើយមើលទៅដូចតួអង្គ Avatar យ៉ាងណានោះ ទស្សនារូបភាពខាងក្រោមនេះ៖