បុរសជា Youtuber ល្បីម្នាក់បានបាត់បង់ជីវិតនៅ អាយុ ៥៧ឆ្នាំ ក្រោយពីលោកបានរអិលជើងធ្លាក់ចូលទៅ ក្នុងបឹងទឹកកក ខណៈដែលលោកកំពុងតែថតវីដេអូលោកលេងស្គីទឹកកក (Ice-Skating)។
លោក Tor Eckhoff ឬ Apetor បានស្លា.ប់កាលពីថ្ងៃទី ២៧ ខែវិច្ឆិកា ក្រោយពីលោកបានធ្វើដំណើរទៅ កាន់ Jakobs Dam នៅ ក្បែរទីក្រុង Kongberg ខណៈកំពុងតែផ្ដិតយករូបភាពវីដេអូ។ វីដេអូដែលលោកផលិតនេះគឺជាវីដេអូរត់ឬដើរលេងលើផ្ទៃទឹកកកដែលលោកតែងតែ Upload ចូលទៅ ក្នុង Youtube ពីគ្រប់ទីកន្លែងក្នុងតំបន់ផ្សេងៗគ្នាក្នុងប្រទេសន័រវែស ហើយក៏ជាការចែករំលែកឃ្លីបវីដេអូស្ដីពីជីវិតសត្វព្រៃ និងរូបភាពធម្មជាតិនានាដែលលោកបានធ្វើដំណើរឆ្លងកាត់។
យោងតាមទស្សនាវដ្ដី Verdens Gang បានចុះផ្សាយថា Eckhoff គឺជាអ្នកធ្វើការនៅ ក្នុងរោងចក្រមួយបានរស់នៅ ជាមួយមិត្តឈ្មោះ Tove Skjerven។ មិត្តលោកបានរៀបរាប់ពីដើមហេតុដែលនាំឱ្យលោកស្លាប់បាត់បង់ជីវិតនៅ លើហ្វេសប៊ុកជាភាសាអង់គ្លេសថា៖ «ជូនចំពោះ Tor ជាទីស្រលាញ់។ នៅ ថ្ងៃសុក្រទី២៦ ខែវិច្ឆិកា គឺជាថ្ងៃសុក្រធម្មតាមួយ។ ឯងបានធ្វើដំណើរទៅ កាន់បឹងក្បែរ Kongsberg ហើយចង់ជិះស្គីទឹកកកលេង រួចឯងថតរូបខ្លួនឯងទុកយកទៅ ផុស។ ពេលនោះឯងបានផ្ញើសារមកថាឯងបានទៅ ដល់កន្លែងហើយ ហើយបានថតរូបខ្លួនឯងនិងទឹកផ្ញើមកខ្ញុំ។ ប៉ុន្តែគ្រោះអាក្រក់ ឯងបែរជាធ្លាក់ចូលទៅ នៅ ក្នុងទឹកកក ហើយម្ដងនេះឯងមិនអាចក្រោកឡើងវិញបាន ដូចជារាល់ៗដងដែលឯងតែងតែធ្វើបាននាពេលកន្លងមក»
មិត្តរបស់បុរសរងគ្រោះខាងលើក៏បានសរសេររៀបរាប់បន្តទៀតថា «នៅ ទីបញ្ចប់ ឯងបានត្រូវអ្នកជ្រមុជទឹកលើកឡើងមកហើយបញ្ជូនទៅ កាន់មន្ទីរពេទ្យ។ ពួកគេបានព្យាយាមគ្រប់យ៉ាងដើម្បីដណ្ដើមឯងមកពីមច្ចុរាជ តែឯងនៅ ខាងក្រោមទឹកយូរពេក ដូច្នេះនៅ យប់ថ្ងៃសៅ រ៍គ្រូពេទ្យបានសម្រេចចិត្តបិទម៉ាស៊ីនសង្គ្រោះទាំងអស់នៅ លើខ្លួនរបស់ឯងចំពោះមុខខ្ញុំនិង Johannes ។ អរគុណសម្រាប់គ្រប់យ៉ាងកន្លងមកដែលបានធ្វើដើម្បីខ្ញុំនិង Johannes ពួកយើងមានអនុស្សាវរីយ៍ជាច្រើនដែលរាប់មិនអស់ពួកយើងនឹកឯងខ្លាំងណាស់»។
វីដេអូចុងក្រោយដែល Eckhoff បានបង្ហោះនៅ លើ ឆាណែល ដែលចំនួន Subscriber រហូត ១.២ លានគណនីនោះគឺកាលពីថ្ងៃទី២២ ខែវិច្ឆិកា ដោយបានដាក់ចំណងជើងថា «ខ្ញុំអត់ស្លាប់ទេ។ ថ្ងៃនេះខ្ញុំអាយុ៥៧ឆ្នាំ»។ នៅ ក្នុងឃ្លីបនោះដែរគេឃើញលោកបានជ្រមុជខ្លួនចូលទៅ ក្នុងទឹកល្អក់ដែលចាក់បំពេញក្នុងអាង រួចហើយផឹកអកស្រា Vodka ចេញពីដបចូលមាត់។ វីដេអូនោះមានអ្នកចូលទៅ ទស្សនារហូតដល់២លានដង និងមានចំនួនអ្នកចូលទៅ ផ្ញើសាររំលែកទុក្ខយ៉ាងច្រើនផងដែរ។
បុរសរូបនេះបានអះអាងប្រាប់ Daily Dot កាលពីឆ្នាំ២០១៦ នៅ ក្នុងបទសម្ភាសន៍ថាលោក ផឹកស្រា Vodka ពិតៗនៅក្នុងវីដេអូរបស់លោក ដោយបញ្ជាក់មូលហេតុថាអាកាសធាតុត្រជាក់ខ្លាំងបែបនេះ លោកតែងតែផឹកស្រាកំដៅ ពោះ។ លោកបានបញ្ជាក់ថានៅ ពេលដែលលោកហែលក្នុងទឹកកក ឬលេងលើទឹក លោកមានពេលវេលាតិចតួចណាស់មុននឹងលោកត្រូវត្រជាក់ស្លាប់ ដូច្នេះកំឡុងពេលនោះលោកចាំបាច់ត្រូវតែធ្វើឱ្យរាងកាយរបស់លោកកក់ក្ដៅ (ផឹកស្រាកំដៅ ក្នុងពោះ)។
Youtuber ល្បីនៅ ប្រទេសស៊ុយអែត NymN បានផុសចែករំលែកទុក្ខចំពោះមរណភាពរបស់ Eckhoff នៅ លើ Twitter របស់ខ្លួន ដោយបានលើកឡើងថា «គេបានធ្វើអ្វីដែលខ្លួនស្រលាញ់ គឺការផលិតជាវីដេអូជាច្រើនដែលផ្ដល់នូវភាពរីករាយនិងស្នាមញញឹមលើមុខរបស់អ្នកគ្រប់គ្នា។ លោកទៅ ហើយតែកេរ្តិ៍ឈ្មោះលោកនៅ តែចង់ចាំជានិច្ច»៕