ក្រុមបាល់ទាត់ជម្រើសជាតិកម្ពុជា បានប្រកួតចាញ់ក្រុមម៉ាឡេស៊ី ក្នុងថ្ងៃបើកឆាកពូល B នៃពានរង្វាន់បាល់ទាត់ AFF Suzuki Cup 2020 ៣-១ នៅល្ងាចថ្ងៃចន្ទ ទី៦ ខែធ្នូ ឆ្នាំ២០២១ លើទីលានកីឡដ្ឋាន Bisan Stadium ក្នុងប្រទេសសិង្ហបុរី។
ការប្រកួតដែលកាត់សេចក្ដីដោយលោកអាជ្ញាកណ្ដាល Shukri Al Hanfosh ជនជាតិអារ៉ាប៊ីសាអ៊ូឌីត គ្រាប់បាល់ជ័យជម្នះរបស់ម៉ាឡេស៊ី រកបានដោយកីឡាករ Safawi Rasid ដោយបាល់ពិន័យ១១ម៉ែត្រនៅនាទី២៣ ហើយចូលដល់នាទី៦១ កីឡាករ Akhyar Abdul Rashid បានបន្ថែមគ្រាប់បាល់ទី២ និងកីឡាករ M. Kogileswaran Raj រកបានគ្រាប់បាល់ទី៣។
សម្រាប់ប្រកួតបន្ទាប់ក្នុងពូល B នេះនឹងធ្វើឡើងនៅវេលាម៉ោង៧:៣០នាទីល្ងាចនេះលើទីលានកីឡដ្ឋាន Bisan Stadium ដូចគ្នារវាងក្រុមវៀតណាម ជួបម្ចាស់ជើងឯកឆ្នាំចាស់វៀតណាម។
សម្រាប់ប្រកួតបន្ទាប់កម្ពុជា ត្រូវជួបឥណ្ឌូណេស៊ី ជាបន្តនៅវេលាម៉ោង៧:៣០នាទីល្ងាចថ្ងៃទី៩ ខែធ្នូ ឆ្នាំ២០២១ ហើយត្រូវជួបក្រុមឡាវ នៅវេលាម៉ោង៤:៣០នាទីល្ងាចថ្ងៃទី១៥ ខែធ្នូ និងចុងក្រោយ កម្ពុជា ជួបវៀតណាម នៅម៉ោង៧:៣០នាទីល្ងាចថ្ងៃទី១៩ ខែធ្នូ ឆ្នាំ២០២១ លើទីលានកីឡដ្ឋានជាមួយគ្នា៕
