គ្រាន់តែការច្រឡំដៃមួយរបស់ V សមាជិក BTS ដែលជា Idol សំណព្វចិត្តរបស់អ្នកគាំទ្រពិសេសក្រុម Army បានបង្កឱ្យពិភពអ៊ិនធឺណិតរង្គោះរង្គើ ស្ទើក្រឡាប់ចាក់អស់។
ជាការពិតណាស់មានមនុស្សជាច្រើនបានច្រឡំដៃចុច follow គណនីណាមួយតាមរយៈប្រព័ន្ធ Instagram ដោយចៃដន្យព្រោះតែ បណ្ដាញ social media មួយនេះមាន function ណែនាំ (recommended) មិត្តភក្ដិថ្មីសម្រាប់ឱ្យអ្នកដែលចាប់ផ្ដើមលេងអាចចូលទៅ Follow អ្នកចាស់ៗឬមិត្តភក្ដិរបស់ខ្លួន។ យ៉ាងណាមិញសមាជិករបស់ BTS អ្នកកំលោះ V ដែលទើបតែចាប់ផ្ដើមលេង Instagram ជាលើកដំបូង ក៏ដូចជាសមាជិកផ្សេងៗទៀតនោះ បានច្រឡំដៃទៅ Follow សមាជិក Blackpink គឺ Jennie។
កាលពី២ថ្ងៃមុន ពោលគឺនៅ ថ្ងៃទី៧ ខែធ្នូ អ្នកគាំទ្រជាច្រើននៅ ជុំវិញពិភពលោកបានចាប់អារម្មណ៍និងសង្កេតឃើញតារា following នៅលើ IG របស់ V មានចំណុចប្លែកព្រោះរយៈខ្លីសោះ V បាន Follow គណនីចំនួន៧ (ក្នុងនោះមាន Jennie ម្នាក់ដែរ)
ក្រោយមក V បានចេញមកផុសចែករំលែកលើបណ្ដាញសង្គមមួយរបស់កូរ៉េដោយសរសេរ Caption ថា៖
«តើមានវិធីសាស្ត្រអ្វីទើបអាចដក recommended friend list ចេញពី Instagram បាន? App នេះពិតជាគួរឱ្យខ្លាចណាស់»។
បន្ទាប់ពីបុរសសង្ហារូបនេះបង្ហោះសំណេរដូចបានរៀបរាប់ខាងលើ នៅ លើបណ្ដាញសង្គមកូរ៉េ ស្រាប់តែផ្ទុះចេញនូវការជជែកវែកញែកគ្នាខ្លាំងពីក្នុងចំណោមអ្នកគាំទ្រដូចខាងក្រោមនេះ៖
គ្មានផ្លូវទេដែល V មានចេតនាចង់ follow Jennie នោះ។ គាត់ច្បាស់ជាដឹងថានឹងមានបញ្ហាស្មុគស្មាញអ្វីខ្លះតាមមក។
ខ្ញុំហ៊ានភ្នាល់គាត់ច្បាស់ជាតក់ស្លុតណាស់ហើយ។ សូម្បីតែខ្ញុំពេលច្រឡំ Follow មនុស្សដែលមិនស្គាល់គ្នាខ្ញុំក៏មិនស្រណុកក្នុងចិត្តដែរ។
គាត់បានពន្យល់ច្បាស់លាស់អស់ហើយ ដូច្នេះគ្មានអ្នកណាម្នាក់យល់ខុសអ្វីលើគាត់ទៀតនោះទេ។
គ្រាន់តែ follow Jennie នៅ លើ IG មានអីខុស? គាត់មានបានប្រព្រឹត្តបទឧក្រិដ្ឋឯណា?
ទាល់តែចឹងទើបដឹងថាមានមនុស្សមិនតិចនោះទេតាមដានសកម្មភាពរបស់គាត់ (V)
ប្រភព៖ allkpop