មនុស្សជាង២០ម៉ឺននាក់បានចុះហត្ថលេខាលើបដ្ឋនាលិខិត (លិខិតស្នើសុំ) ដើម្បីសុំឱ្យបញ្ឈប់ការផ្សាយរឿង «Snowdrop» ដែលសម្ដែងដោយតារាសម្ដែង Jung Hae In និងសមាជិក Blackpink កញ្ញា Jisoo ជាតួឯកប្រុសស្រី។
ភាពយន្តភាគថ្មីរបស់ទូរទស្សន៍ JTBC រឿង «Snowdrop» កំពុងតែមានបញ្ហាត្រូវដោះស្រាយជាមួយនឹងអ្នកទស្សនាដោយសារតែការរៀបរាប់ពីប្រវត្តិសាស្ត្រក្នុងរឿងនេះ។ មុននឹងរឿងនេះបានចាក់ផ្សាយលើកញ្ចក់ទូរទស្សន៍ខ្សែភាពយន្តភាគមួយនេះធ្លាប់ត្រូវមហាជនរិះគន់ខ្លាំងៗម្ដងមកហើយដោយការបកស្រាយសាច់រឿងខុសពីការពិតក្នុងប្រវត្តិសាស្ត្រ។
ភាពយន្តដែលរៀបរាប់ពីសាច់រឿងស្ដីពីតួឯកស្រីជួយភ្នាក់ងារសម្ងាត់ម្នាក់ដែលប្រឆាំងនឹងក្រុមសកម្មជនគាំទ្រប្រជាធិបតេយ្យ បានបញ្ចាំងភាគទីមួយរបស់ខ្លួនកាលពីថ្ងៃទី១៨ ខែធ្នូ ឆ្នាំ២០២១។ ក្រោយភាគទីមួយផ្សាយចប់ នៅលើបណ្ដាញសង្គមអនឡាញ អ្នកទស្សនាជាច្រើននាក់ដែលបានទស្សនារឿងនេះរួច បានបង្ហាញចំណាប់អារម្មណ៍មិនពេញចិត្តជាខ្លាំងចំពោះសាច់រឿងក្នុងភាគទីមួយនេះ។ អ្នកទស្សនាបានលើកឡើងថា «ការបរិយាយក្នុងសាច់រឿងនេះគឺបង្កឱ្យមានការខូចខាតនិងផលប៉ះពាល់យ៉ាងខ្លាំងចំពោះសកម្មភាពគាំទ្រប្រជាធិតេយ្យ»
នៅក្នុងបដ្ឋនាលិខិតដែលមានមនុស្សជាង២សែននាក់បានចុះហត្ថលេខាក្នុងនោះ បានសរសេរៀបថា ភាពផ្អែមល្ហែមនិងការឱ្យតួឯកប្រុសជាតួអង្គគិញសម្ងាត់ តែបែរជាត្រូវគេយល់ច្រឡំថាជាអ្នកគាំទ្រប្រជាធិបតេយ្យគឺជារឿងមួយដែលខុសពីក្នុងប្រវត្តិសាស្ត្រ ព្រោះនៅក្នុងការពិតមានមនុស្សបរិសុទ្ធជាច្រើននាក់ត្រូវបានរដ្ឋាភិបាលធ្វើទុកបុកម្នេញនិងធ្វើទារុណកម្ម ព្រោះតែស្មានថាអ្នកទាំងអស់នោះគឺជាគិញសម្ងាត់។
គិតត្រឹមថ្ងៃអាទិត្យទី១៨ ខែធ្នូ ឆ្នាំ២០២១ បដ្ឋនាលិខិត មានមនុស្សចូលរួមចុះហត្ថលេខា ស្នើឱ្យបញ្ឈប់ការផ្សាយរឿង «Snowdrop» ចំនួនជាង២សែននាក់ហើយ៕