Tuesday, November 29 Login

ក្នុង​បរិបទ​នៃ​សម័យកាល​កូវីដ-១៩​នេះ​ ​ការ​សិក្សា​អប់រំ​នៃ​បណ្ដា​ប្រទេស​ទាំងអស់​នៅ​លើ​ពិភពលោក​ និយាយ​ដោយ​ឡែក​កម្ពុជា​យើង​តែ​ម្ដង​ ​ បាន​និង​កំពុង​ប្រឈម​យ៉ាង​ខ្លាំង​។​ ​ការសិក្សា​ពី​ចម្ងាយ​​ (E-Learning) ​ជា​ជម្រើស​ដ៏​ល្អ​មួយ​ត្រូវ​បាន​យក​មក​អនុវត្ត​។​​ ​តើ​យើង​គួរ​រៀន​តាម​វិធី​ណា​ទើប​មាន​ប្រសិទ្ធភាព​?​ ​តាមរយៈ​ ត្រយង​ ​​ខ្ញុំ​សូម​ចូល​រួម​គន្លឹះ​៦​ជំហាន​សម្រាប់​ជា​ធាតុ​ចូល​ដល់​ប្អូនៗ​អ្នក​សិក្សា​។​

​សូមចុចត្រង់នេះ៖ មាគ៌ា​៤​យ៉ាង​​នៃ​ជីវិត​ ​, ​ រៀន​ ​ រក​ ​ ​គិត​ ​ ​ប្រព្រឹត្ត​ល្អ​!​

១​.​​ ​ការ​ដាក់​ចិត្ត​ ​(Determination):​ ​គ្មាន​អ្វី​ត្រូវ​អល់អែក​ទេ​ ​ដើម្បី​អាច​ទទួល​បាន​នូវ​ការ​សិក្សា​មួយ​ពី​ចម្ងាយ​បាន​ គឺ​ការ​ដាក់​ចិត្ត​រៀន​សិន​។​ ​វា​ជា​រឿង​ថ្មី​សម្រាប់​សិស្សានុសិស្ស​ពិសេស​នៅ​ថ្នាក់​វិទ្យាល័យ​ចុះ​ក្រោម​ ដែល​រៀន​មិនមាន​គ្រូ​នៅ​ជាមួយ​ ​ប៉ុន្តែ​បើ​សិន​ណា​សិស្ស​មាន​ការ​តាំង​ចិត្ត​ថា​រៀន​ នោះ​ថ្នាក់​សិក្សា​នឹង​អាច​ដំណើរការ​ទៅ​បាន​។​

​២.​ ​ធ្វើ​កាល​វិភាគ​រៀន​ ​(Time Table)​:​ ​ក្រៅ​ពី​រៀន​ជាមួយ​គ្រូ​តាម​ម៉ោង​សិក្សា​ ​ដែល​សាលា​បាន​កំណត់​ សិស្ស​ក៏​អាច​ធ្វើ​កាលវិភាគ​ផ្ទាល់​ខ្លួន​មួយ​ផ្សេង​ទៀត​ ​ដែល​បែងចែក​ពេល​វេលា​រៀន​ដោយ​ខ្លួន​ឯង​។​ ​ការ​ពិត​ រៀន​ជាមួយ​គ្រូ​ជា​កត្តា​សំខាន់​ហើយ​ ​ប៉ុន្តែ​បើ​ខ្លួន​សិស្ស​ផ្ទាល់​មិនមាន​ពេល​រៀន​គ្រប់គ្រាន់​ដោយ​ខ្លួន​ឯង​ទេ​ នោះ​លទ្ធផល​ក៏​មិន​គាប់​ប្រសើរ​ពេក​ដែរ​។​

​៣​.​ ​បង្កើត​ថ្នាក់​រៀន​ឯកជន​ ​(Study Class):​ ​នៅ​ផ្ទះ​ ​ឬ​បន្ទប់​តូច​ក៏​ដោយ​ ​បើ​ចេះ​រៀប​ចំ​ នោះ​វា​នឹង​ក្លាយ​ជា​ថ្នាក់​រៀន​ដ៏​ពេញលេញ​មួយ​បាន​។​ ​សិស្ស​ត្រូវ​រៀប​ចំ​បន្ទប់​របស់​ខ្លួន​ឲ្យ​មាន​របៀប​ល្អ​ ​មាន​សោភណភាព​ស្រស់​បំព្រង​ និង​ក្លិន​ ​ឬ​ខ្យល់​ចេញ​ចូល​ល្អ​ ​ធ្វើ​ឲ្យ​មាន​អារម្មណ៍​ជ្រះថ្លា​នឹង​រៀន​សូត្រ​។​ ​ កុំ​ភ្លេច​ ​ ចាត់​ទុក​ជា​ថ្នាក់​រៀន​រដ្ឋ​ ដែល​ត្រូវ​បដិ​បត្ត​។​

៤​. ​ស្រាវជ្រាវ​ ​និង​ឆ្លើយ​តប​ ​(Research and Responsible)​:​ ​ការ​ស្វែង​រក​ព័ត៌មាន​ ឬ​ទិន្នន័យ​បន្ថែម​ជា​ជំហាន​ដ៏​ស្រួច​ស្រាវ​ក្នុង​ការ​បាន​នូវ​ចំណេះ​ដឹង​។ ​មេរៀន​ ​ឬ​លំហាត់​កិច្ចការ​ដែល​គ្រូ​ដាក់​មក​ ​សិស្ស​ត្រូវ​បំពេញ​ និង​បញ្ជូន​ត្រឡប់​វិញ​ដើម្បី​ឲ្យ​គ្រូ​កែ​តម្រូវ​បន្ត​។​

​៥​.​ ​ប្រឹក្សា​ ​(Advise)​: ​ដំបូន្មាន​ជា​ចំណេះដឹង​គ្មាន​ព្រំ​ដែន​ ​និង​ព្រៀង​ទុក​។​ ​នៅ​ពេល​ណា​ ​មិន​យល់​ មិន​ច្បាស់លាស់​លើ​ខ្លឹមសារ​នៃ​មេរៀន​ ​ឬ​ចំណុច​ដទៃ​ទៀត​ ​សិស្ស​ត្រូវ​កុំ​ខ្មាសអៀន​ហើយ​ហ៊ាន​សួរ​នាំ​ និង​ទទួល​យក​នូវ​ការ​ចង្អុល​បង្ហាញ​ពី​គ្រូ​ ​ឬ​នរណា​ម្នាក់​ ​ដែល​មា​ន​មូលដ្ឋាន​ច្បាស់លាស់​។​

៦​. ​តាមដាន​លទ្ធផល​ ​(Evaluate):​ ​លទ្ធផល ​ជា​បទ​ពិសោធន៍​ជាក់ស្ដែង​ដែល​ត្រូវ​ទទូល​យក​បាន​។​ សិស្ស​ត្រូវ​ធ្វើការ​តាមដាន​ ​និង​វាយតម្លៃ​លើ​សមត្ថភាព​រៀន​ខ្លួន​ជា​ប្រចាំ​ថា​តើ​បាន​កើន​ដល់​កម្រិត​ណា​។​ ក្នុង​នោះ​ សិស្ស​អាច​ធ្វើ​លំហាត់​ ​ឆ្លើយ​សំណួរ​មេរៀន​ ​និង​ចំណុច​ពាក់ព័ន្ធ​ដទៃ​ទៀត​ ​ដើម្បី​ស្ទង់​មើល​ពី​អ្វី​ដែល​ខ្លួន​បាន​ចេះ​ចាំ​៕​

លោក​ ​ សក​ ​ឡី​
អនុ​ប្រធាន​ក្រុម​ការងារ​សិក្ខា​សាលា​ ​ និង​អប់រំ​សីលធម៌​៣​ខេត្ត

Share.

Leave A Reply