បន្ទាប់ពីមានជម្លោះផ្ទុះកក្រើកដោយសារតែភាគីទាំងលោក ដួង ឆាយ និង អ្នកនាង ដេត ម៉ាលីណា បានចេញមកហែកកេរ្តិ៍គ្នាទៅវិញទៅមក នៅពេលថ្មីៗនេះ រឿងរ៉ាវរបស់អ្នកទាំងពីរហាក់ដូចជាស្ងប់ស្ងាត់បន្តិច ព្រោះភាគីទាំងសងខាងមិនបានចេញមកឆ្លើយឆ្លងគ្នាដូចអាយ៉ៃជាបន្តទៀតនោះទេ ដោយម្នាក់ៗសម្ងំធ្វើការងាររៀងៗខ្លួន។ យ៉ាងណាមិញភាគីខាងអ្នកនាង ដេត ម៉ាលីណា បានបង្កឱ្យមានការភ្ញាក់ផ្អើលសារជាថ្មីទៀត ដោយសារតែអ្នកនាងបានចេញមកបង្ហោះសំបុត្រស្នេហ៍យ៉ាងផ្អែមល្ហែមលើបណ្ដាញសង្គម ក្រោយអ្នកនាងគ្រងខ្លួនជាស្ត្រីមេម៉ាយរយៈពេលមួយឆ្នាំកន្លងមកនេះ។
អ្នកនាងបានបង្ហោះសំណេររៀបរាប់ថា «នេះគឺជាសំបុត្រស្នេហា ដែលខ្ញុំទទួលបានលើកទីមួយនៅពេលខ្ញុំស៊ីងហ្គលមួយឆ្នាំនេះ ឃើញហើយក៏រំភើបចិត្ត ប៉ុន្តែមានអារម្មណ៍ចង់សើចៗតិចៗ សម័យនេះ ហើយនៅមានសំបុត្រស្នេហាទៀតដឹងគេអៀនអត់ពូឈប់ធ្វើចឹងទៀតលឺនៅ ប៉ុន្តែក៏អរគុណសម្រាប់ទឹកចិត្តបងប្រុស ដែលស្រ លា ញ់ប្អូនស្រីម្នាក់នេះ 21.12.2021»។
ងាកមកខ្លឹមសារក្នុងសំបុត្រនោះវិញមានសេចក្ដីយ៉ាងដូច្នេះថា៖ «សូមជូនពរថ្ងៃខួបកំណើតអូនគំរប់ ៣១ ចូល ៣២ ឆ្នាំ អោយមានសេចក្តីសប្បាយ សិរីសួស្តី អាយុយុឺនយូរ សម្រស់កាន់តែស្រស់ស្អាតជានិច្ច ហើយប្រាថ្នាអ្វីៗ សូមអោយបានសម្រេចដូចក្តីបំណង។ បងជូនកាដូទុកសម្រាប់អនុស្សាវរីយ៍ ដើម្បីជាសក្ខីភាពនៃសេចក្តីរបស់បងមានចំពោះអូន វាតិចសម្រាប់អូន តែវាច្រើនសម្រាប់បង នោះដោយសារភាពស្មោះត្រង់ចេញពីបេះដូងពិតៗរបស់បង ដែលមានចំពោះអូន»៕
