តារាសម្ដែងប្រុសរូបសង្ហាលោក Paing Takhon ត្រូវបានចាប់ខ្លួនដោយរបបយោធាភូមានៅព្រឹកថ្ងៃទី៨ ខែមេសា ឆ្នាំ២០២១នេះ រហូតមកទល់ពេលនេះ គេទទួលដំណឹងថា តារាសម្ដែងមីយ៉ាន់ម៉ារូបនេះ នឹងត្រូវកាត់ទោសឱ្យជាប់ពន្ធនាគារចំនួន៣ឆ្នាំ និងរងទារុណកម្មដោយប្រើកម្លាំងពលកម្មធ្ងន់ធ្ងរ។ នេះដោយយោងតាមការបញ្ជាក់ពីអ្នកប្រឹក្សាផ្នែកច្បាប់របស់លោក Khin Maung Myint ប្រាប់មកសារព័ត៌មាន AFP។
អានអត្ថបទ ប្រុសស្អាត Paing Takhon តារាសម្ដែងល្បីប្រចាំមីយ៉ាន់ម៉ា ជាប់ពន្ធនាគារចំនួន៣ឆ្នាំ…
ដំណឹងនេះបានធ្វើឱ្យហ្វេនអ្នកគាំទ្រ និងស្រឡាញ់រូបលោក Paing Takhon មានអារម្មណ៍ស្លុតចិត្តជាខ្លាំង ហើយព្រួយបារម្ភចំពោះសុខទុក្ខរបស់លោក។ ថ្មីៗនេះ លោក លៀក លីដា ក៏បានបង្ហាញក្ដីបារម្ភចំពោះតារាប្រុសរូបនេះផងដែរ ដោយលោកគឺជាតួឯកប្រុសសំខាន់នៅក្នុងរឿង «ជញ្ជាំងក្រហម» ជារឿងដំបូងដែលផលិតកម្ម LD បានបោះជំហ៊ានសហការជាមួយវណ្ណកម្មបរទេស។ លោក លៀក លីដា បានបង្ហោះរូបរបស់តារាសម្ដែង Paing Takhon និងសារបន់ស្រន់ក្នុងន័យជូនពរតារាប្រុសរូបនេះឱ្យជួបសំណាងល្អ និងបានរួចផុតពីទារុណកម្មរបស់របបយោធាមីយ៉ាន់ម៉ា ថា « Miracle will happen in January 4th , hope to see you in new year , god blessing you »។
ជាការពិតណាស់ តួឯកប្រុសក្នុងរឿង «ជញ្ជាំងក្រហម» របស់ផលិតកម្ម LD លោក Paing Takhon ទើបបានចាប់ដៃគូជាលើកដំបូងជាមួយកញ្ញា ប៉ូ គឹមថេងសុតធីតា ដែលជា Miss Grand Cambodia 2021 នេះ។ ហើយភាពយន្ដមួយនេះ ទើបតែថតបានប្រហែល១០% តែប៉ុណ្ណោះ ក៏ត្រូវបានអាក់ខានទៅវិញដោយសារតែបញ្ហាជំងឺកូវីដ១៩ និងបញ្ហាតួអង្គឯកប្រុសរូបនេះត្រូវចាប់ខ្លួនក្នុងព្រឹត្តិការរំជើបរំជួលដោយរដ្ឋប្រហារនៅក្នុងប្រទេសភូមា។ រហូតមកទល់ពេលនេះ នៅមិនទាន់មានការបញ្ជាក់នៅឡើយទេ ពីដំណើរការបន្ដពីការផលិតភាពយន្ដខ្នាតធំមួយនេះ។ ហ្វេនគ្រប់គ្នា បានបួងសួងឱ្យលោក Paing Takhon រួចផុតពីទុក្ខទោសផងដែរ៕
លោក Paing Takhon និងក្រុមការងារផលិតកម្មLD 
លោក Paing Takhon និងលោក លៀក លីដា 
លោក Paing Takhon និងលោក លៀក លីដា
