ប្រិយមិត្តអ្នកអានបានដឹងហើយថាប្រុសស្អាត Paing Takhon ត្រូវបានតុលាការប្រទេសមីយ៉ាន់ម៉ា កាត់ទោសឱ្យជាប់ពន្ធនាគារចំនួន៣ឆ្នាំ ដោយសារតែប្រុសស្អាតរូបនេះបានចូលរួមក្នុងយុទ្ធនាការប្រឆាំងនឹងរបបយោធា។ ថ្វីត្បិតតែតារាសម្ដែងរូបនេះ មានឈ្មោះជាអ្នកទោសនៅក្នុងប្រទេសកំណើតប៉ុន្តែលោកបានជាប់ឈ្មោះជាតារាសម្ដែងដែលសង្ហាលំដាប់ទីមួយ ជ្រើសរើសដោយ TC Candler។
Paing Takhon និងតារាមកប្រទេសក្នុងតំបន់អាស៊ានជាច្រើននាក់បានជាប់ឈ្មោះក្នុងបញ្ជីឈ្មោះបុរសដែលមានមុខមាត់សង្ហាជាងគេទាំអ១០០នាក់ ក្នុងឆ្នាំ២០២១ ជ្រើសរើសដោយ TC Candler។ TC Candler បានបង្ហាញបញ្ជីតារាសម្ដែងមុខស្អាតផ្នែកនារី ១០០នាក់និងមុខសង្ហាផ្នែកបរុសចំនួន១០០នាក់។
TC Candler បានបង្កើតកម្មវិធីនេះតាំងពីឆ្នាំ១៩៩០ រហូតមកដល់បច្ចុប្បន្ននេះមានមនុស្សបានមើលជាង១០០លាននាក់នៅទូទាំងពិភពលោក។ បញ្ជីឈ្មោះនេះមិនមែនជាការប្រកួតប្រជែងប្រជាប្រិយភាព, ឬភាពល្បីល្បាញរបស់តារានោះឡើង ប៉ុន្តែគឺជាការលើកបង្ហាញពីគំនិតរបស់សាធារណជនប៉ុណ្ណោះ។
TC Candler ក៏បានធ្វើការស្នើសុំឱ្យដោះលែងតារាសម្ដែង Paing Takhon ឱ្យមានសេរីភាពផងដែរ៕
ប្រភព៖