តារាសម្ដែងល្បី Nadech នាំម្ចាស់ចិត្ត Yaya ឆ្លងឆ្នាំសកល ដោយនាំឡើងភ្នំ បោះតង់ និងអាំង Marshmello ញ៉ាំពីរនាក់ ហើយគយគន់ថ្ងៃរះ។
ខុសពីតារាល្បីៗមួយចំនួនដែលនាំគ្នាចេញទៅដើរកម្សាន្តនៅក្រៅប្រទេស ឬក៏ត្រលប់ទៅស្រុកកំណើតសួរសុខទុក្ខគ្រួសារ គូស្នេហ៍តារាសម្ដែងប្រចាំប៉ុស្ដិ៍លេខ៣ Nadech និង Yaya បែរជាដឹកដៃគ្នាឡើងភ្នំបោះតង់ ទទួលយកបរិយាកាសត្រជាក់ ប៉ុន្តែដំណើរកម្សាន្តនេះមិនរងានោះទេ មានតែកក់ក្ដៅក្នុងបេះដូង ព្រោះបានសំណព្វចិត្តមកជាមួយគ្នា។
នៅក្នុងបរិយាកាសដឹកដៃគ្នាឡើងភ្នំនេះ Nadech និង Yaya មិនត្រឹមតែបោះតង់គេង អាំង Marshmello នោះទេ តែថែមទាំងចែករំលែករូបភាពផ្អែមល្ហែមដែលធ្វើឱ្យហ្វេនៗបានឃើញរមួលក្នុងសួត ដោយរូបភាពចាប់ដៃគ្នាក្រោមពន្លឺព្រះអាទិត្យ មិនតែប៉ុណ្ណោះសាមីខ្លួន Nadech ថែមទាំងចូលមកនិយាយលេងខាងក្រោម Post នោះទៀតថា «ចាប់ដៃគ្នាហើយដើរទៅជាមួយគ្នា»៕
