ប្រិយមិត្តមួយចំនួនបានដឹងហើយថាកំពូលតារាចម្រៀង លោក នៅ ស៊ីនឿន បានដឹកដៃគូដណ្ដឹងជានារីអាណិកជនមកពីដែនឆ្ងាយចូលរោងជ័យកាលពីពេលថ្មីៗនេះ (២២ ធ្នូ ២០២១)។ ប៉ុន្តែប្រិយមិត្តកាន់តែមានការភ្ញាក់ផ្អើលខ្លាំងថែមទៀតប្រសិនជាបានដឹងថាភរិយារបស់តារាចម្រៀងមុខសង្ហារូបនេះ អាចសម្ដែង MV ចម្រៀងបានយ៉ាងល្អ មិនចាញ់តារាសម្ដែងអាជីពប៉ុន្មាននោះឡើយ។
កាលពីយប់ថ្ងៃទី៨ ខែមករា ឆ្នាំ២០២២ នៅលើបណ្ដាញផ្សព្វផ្សាយសង្គមហ្វេសប៊ុករបស់ផលិតកម្មចម្រៀងហង្សមាសបានបង្ហោះវីដេអូបទចម្រៀងថ្មីរបស់លោក នៅ ស៊ីនឿន មានចំណងជើងថា «ចង់ជួបមនុស្សក្នុងសុបិន»។ បទចម្រៀងដ៏ពីរោះដែលបកស្រាយដោយលោក នៅ ស៊ីនឿន កាន់តែពិសេស ព្រោះមានវត្តមានភរិយាសម្លាញ់ចិត្តចូលរួមសម្ដែងជាតួឯកស្រី។
ថ្វីត្បិតតែភរិយាលោកជានារីអាណិកជនមកពីដែនឆ្ងាយប៉ុន្តែអ្នកនាង សោម ដូមូនិច អាចសម្ដែងបានយ៉ាងល្អ មិនរឹង មិនឆ្គង ប្រៀបដូចជាអ្នកសម្ដែងអាជីពដូច្នោះដែរ។ យ៉ាងណាមិញនេះមិនមែនជាបទទីមួយឡើយដែល មានវត្តមានរបស់អ្នកទាំងពីរ ព្រោះបទទីមួយ «ថ្ងៃដែលយើងប្រាថ្នា» ជាបទចម្រៀងដែលមានអមដោយរូបថត Pre-Wedding របស់អ្នកទាំងពីរ ប៉ុន្តែមិនមានការថតជាកាយវិការសម្ដែងនោះទេ។
ចង់ដឹងថាបទចម្រៀង «ចង់ជួបមនុស្សក្នុងសុបិន» ពីរោះរណ្ដំ អមដោយការសម្ដែងល្អយ៉ាងណាសូមទស្សនាវីដេអូ៖