ហ្វេនអ្នកគាំទ្រច្បាស់បានដឹងមកហើយថា កូនប្រុសកំពូលតារាចម្រៀង ព្រាប សុវត្ថិ ទាំង៣នាក់សុទ្ធតែមានរូបរាងសង្ហាមិនចាញ់ឪពុកឡើយនៅក្នុងរួមមាន សុវត្ថិ មុនីវណ្ណ សុវត្ថិ មុនីនាគ និង សុវត្ថិ សិរីវុឌ្ឍ ។ ទាំង៣នាក់នេះ សុទ្ធសឹងតែជាគ្រាប់ពេជ្រពន្លកថ្មីរបស់ហង្សមាស ដែលម្នាក់ៗសុទ្ធតែមានសមត្ថភាពរាំ និពន្ធទំនុកច្រៀង និង ភ្លេង ព្រមទាំងបានក្លាយជាតារាម៉ូដែលថតស្បតឱ្យក្រុមហ៊ុនមួយចំនួនថែមទៀតផង ។
ថ្មីៗនេះ គេចាប់អារម្មណ៍ឃើញថា ក្រុមគ្រួសារកំពូលតារាចម្រៀង ព្រាប សុវត្ថិ បានធ្វើដំណើរទៅខេត្ត កោះកុង និងចូលរួមដាំកូនឈើកោងកាងចំនួន១០០០ដើម។ អ្វីដែលគេកត់សម្គាល់នោះគឺ ព្រោះតែរូបរាងសង្ហារបស់កូនប្រុសទាំង៣របស់លោក ព្រាប សុវត្ថិ ក៏បានអង្រួនបេះដូងហ្វេននារីៗឱ្យទប់ចិត្តមិនបាន ហើយសម្រុកមកឱបអ្នកទាំង៣ពេញដៃ រហូតធ្វើឱ្យហ្វេនមួយចំនួនទៀតកើតចិត្តច្រណែន។
តាមរយៈវីដេអូដែលបានបង្ហោះនៅលើហ្វេសប៊ុកផេករបស់លោក សុវត្ថិ មុនីវណ បានឱ្យឃើញថា ទំនងដូចជាបញ្ចប់កម្មវិធីការដាំកូនឈើ ហ្វេននារីៗបានសម្រុកមកឱបអ្នកទាំង៣ បង្ហាញពីក្ដីស្រឡាញ់ និងគាំទ្រ បើទោះបីជាមិនទាន់បានលើកគោកវិញក៏ដោយ។
ទស្សនាវីដេអូនេះ៖
ក្រោយបង្ហោះវីដេអូនោះហើយ មានហ្វេនៗមួយចំនួនទៀត កើតមានចិត្តច្រណែន និងនិយាយរៀបរាប់ថា «សុទ្ធតែជាឪកាសហើយស្រីគ្នាយើង» «ស្រីៗទៅអត់ខាតទេដាំកោងកាងហើយបានអោបអាយដលទៀត» «កើតមកជាប្រុសស្អាតពិតជាពិបាកខ្លាំងណាស់» និងមានខ្លះទៀតនិយាយថា «មិនដឹងថ្ងៃណាខ្ញុំមានវាសនាបានអោបអាយដលទេ»៕
