នៅក្នុងប្រទេសចិនសម័យបុរាណមានរបបបុរសអាចមានប្រពន្ធច្រើន ជាពិសេសបំផុតគឺព្រះមហាក្សត្រដែលជាអ្នកគ្រប់គ្រងអំណាច ដូច្នេះនារីស្រស់ស្អាតរាប់នាក់នៅក្នុងវាំងហ្លួងមិនមែនជារឿងគ្រាន់តែនិយាយលេងសើចនោះទេ។ នៅក្នុងវាំងស្ដេចចិនមានស្រីស្នំយ៉ាងច្រើន តើពួកនាងទាំងអស់ត្រូវចូលថ្វាយខ្លួនបម្រើហុងតេបែបណា? ការថ្វាយខ្លួនរបស់ស្រីស្នំទាំងអស់មានចែកចេញជា៣ដំណាក់កាលគឺ៖
១. ដំណាក់កាលទីមួយ ជ្រើសរើសផ្លាកឈ្មោះ
នៅក្នុងភាពយន្តភាគឬភាពយន្តទូរទស្សន៍ជាច្រើនរឿង មានការជ្រើសរើសផ្លាកឈ្មោះស្រីស្នំ នៅក្នុងប្រវត្តិសាស្ត្រក៏មានលក្ខណៈបែបនេះដូចគ្នាដែរ ពោលគឺនៅក្រោយពេលព្រះចៅអធិរាជសោយព្រះក្រយ៉ាពេលល្ងាចរួច មហាត្លឹកនឹងនាំយកផ្លាកឈ្មោះរបស់ស្រីស្នំឱ្យព្រះអង្គជ្រើសរើសដើម្បីឱ្យទ្រង់ជ្រើសរើសថាយប់នេះព្រះអង្គនឹងផ្សំដំណេកជាមួយនឹងនាងស្នំមួយណា។ ស្រីស្នំជាច្រើនដើម្បីបានឱកាសថ្វាយខ្លួនបម្រើព្រះរាជា ត្រូវតែយកចិត្តយកថ្លើមមហាថ្លឹកដោយបង្ហាញការយកចិត្តគោរពជាពិសេស ដើម្បីឱ្យឈ្មោះរបស់ខ្លួនស្ថិតនៅលើត្រង់កន្លែងដែលមានឱកាសត្រូវបានព្រះរាជាជ្រើសរើស។ បន្ទាប់ពីព្រះរាជាជ្រើសរើសរួចរាល់ ស្រីស្នំដែលត្រូវបានជ្រើសរើសត្រូវចាប់ផ្ដើមត្រៀមខ្លួន ដោយជំហានដំបូង មុជទឹកសម្អាតកាយឱ្យស្អាតរួចហើយ រួចដណ្ដបខ្លួនដោយផាហ៊ុំហើយឱ្យមហាថ្លឹកនាំខ្លួនទៅ។ ក្នុងចំណុចនេះមានមនុស្សសួរថាហេតុអ្វីបានជាស្រីស្នំមិនអាចស្លៀកសំលៀកបំពាក់ ចម្លើយនោះគឺដើម្បីសុវត្ថិភាពព្រះចៅអធិរាជ ការពារក្រែងមាននាងស្នំណាម្នាក់លួចលាក់អាវុធទុកធ្វើគត់ព្រះរាជា ដូច្នេះហើយទើបនាងស្នំនីមួយៗដែលត្រូវនាំខ្លួនទៅបម្រើព្រះរាជាមិនអាចស្លៀកសំលៀកបំពាក់បាន។
២. ដំណាក់កាលទីពីរ ថ្វាយខ្លួនឡើងគ្រែ
មុននឹងស្រីស្នំមកដល់ ព្រះចៅអធិរាជទ្រង់នៅលើព្រះទែនបន្ទំរួចរាល់ ស្រីស្នំរូបនោះត្រូវដាក់ជើងម្ខាងចូលក្នុងក្រឡាបន្ទំ ហើយក្រោយពេលដែលមហាថ្លឹកចេញទៅបាត់ នាងស្នំចាប់ផ្ដើមជំរុះផាហ៊ុមរួចហើយឡើងលើគ្រែដោយឡើងចាប់ពីខាងព្រះបាតទៅ បន្ទាប់មកព្រះរាជាអាចចាប់ផ្ដើមផ្សំដំណេកនឹងស្រីស្នំបាន។
៣. ដំណាក់កាលទី៣ សម្រេចភារកិច្ច
ច្បាប់មួយសម្រាប់ព្រះរាជាដែលផ្ទំជាមួយនឹងនាងស្នំ គឺព្រះអង្គមិនអាចផ្ទំជាមួយនឹងស្នំណាម្នាក់ពេញមួយរាត្រីបាននោះទេ ព្រោះបើដល់វេលាហើយនោះ មហាថ្លឹកដែលនៅខាងក្រៅនឹងស្រែកប្រកាសជាដំណឹងដល់ព្រះរាជា តែបើព្រះអង្គមិនទាន់បញ្ចប់ភារកិច្ចទេនោះ ក្រុមមហាថ្លឹកនឹងរង់ចាំបន្តិចសិន ហើយនៅពេលដែលភារកិច្ចបញ្ចប់ ស្រីស្នំនឹងចាកចេញពីក្រឡាបន្ទំយ៉ាងស្ងៀមស្ងាត់ ដោយរុំខ្លួនដោយផាហ៊ុំដើម្បីឱ្យមហាថ្លឹកនាំខ្លួនចាកចេញពីក្រឡាបន្ទំព្រះរាជា។ ហេតុអ្វីបានជាការផ្សំដំណេកចាំបាច់ត្រូវកំណត់ពេលវេលា? ច្បាប់នេះបង្កើតឡើង ដើម្បីបញ្ចៀសកុំឱ្យព្រះរាជាចំណាយព្រះកាយពលអស់ច្រើន ជាពិសេសគឺកុំឱ្យខាតកម្លាំងដើម្បីបំពេញព្រះរាជកិច្ចផ្សេងៗទៀត។ ច្បាប់នេះត្រូវបានបន្តពីមួយជំនាន់ទៅមួយជំនាន់តាំងពីដូនតាមក ដែលច្បាប់នេះមិនមានអ្នកណាអាចប្រឆាំងបាន។
៣ចំណុចដូចបានរៀបរាប់នេះគឺជាដំណាក់កាលថ្វាយខ្លួនរបស់ស្រីស្នំជូនដល់ព្រះរាជានាសម័យកាលចិនបុរាណ។ ពេលខ្លះមានការផ្លាស់ប្ដូរតិចតួច ប៉ុន្តែមិនច្រើននោះទេ៕
ទស្សនាវីដេអូនេះ៖