Kimberly និង Nadech គឺជាដៃគូសម្ដែងដ៏សែនស័ក្តិសមមួយគូរបស់ស្ថានីយទូរទស្សន៍ប៉ុស្ដិ៍លេខ៣ ទោះជាបុរសសង្ហា និងស្រីស្រស់ទាំងពីរនាក់មានម្ចាស់បេះដូងរៀងៗខ្លួនក្ដី ព្រោះរឿងភាគដំបូង «កម្លាំងក្ដីនៃប្រាថ្នា» ដែល Nadech និង Kimberly ធ្លាប់ចាប់គូគ្នានោះល្បីល្បាញនិងមានការគាំទ្រយ៉ាងខ្លាំងពីអ្នកទស្សនា។
នៅក្នុងឆ្នាំ២០២២នេះ Nadech នឹងមានរឿងភាគខ្នាតធំសម្ដែងជាមួយនឹងម្ចាស់បេះដូង Yaya ចំណែក Kimberly ក៏ចាប់ដៃគូជាមួយនឹង Mario សម្ដែងក្នុងរឿងភាគថ្មីនិយាយពីគ្រូពេទ្យបុរាណវគ្គបន្ត ដែលនឹងត្រៀមបញ្ចាំង។
យ៉ាងណាមិញដំណឹងចុងក្រោយបានបែកធ្លាយមកថា Nadech និង Kimberly ត្រៀមជួបសម្ដែងរួមគ្នាក្នុងរឿងភាគថ្មីមួយក្នុងពេលឆាប់ៗខាងមុខនេះ ក្រោយពីអ្នកទាំងពីរខកខានបានសម្ដែងជាគូនឹងគ្នារយៈពេល៩ឆ្នាំកន្លងមកហើយ។ ចាំមើលតើរឿងភាគថ្មីដែលតារាសម្ដែងទាំងពីរដួង នឹងសម្ដែងមានសាច់រឿងបែបណា ជាប្រភេទសាច់រឿងសម័យឬបុរាណ?