នេះគឺជាលើកទីមួយក្នុងរយ:ពេល១៣០ឆ្នាំដែលតារាស្រីមកពីអាស៊ីខាងកើតបានថតរូបទោលដាក់លើគម្របមុខទស្សនាវដ្ដីអាមេរិក Vogue ហើយនារីដែលបង្កើតបាននូវប្រវត្តិសាស្ត្រនេះគ្មានអ្នកណាឡើយក្រៅពីតួអង្គឯកស្រីពីភាពយន្តដ៏ល្បីរបស់ Netflix «Squid Game» កញ្ញា Jung Ho Yeon។
ដំបូងឡើយកញ្ញាគឺជានារីម៉ូដែលនៅក្នុងប្រទេសកូរ៉េ ប៉ុន្តែកញ្ញាចាប់ផ្ដើមមានការគាំទ្រយ៉ាងគំហុក បន្ទាប់ពីបានចូលរួមសម្ដែងជាតួអង្គឈ្មោះ Kang Sae Byeok នៅក្នុងរឿងភាគបែបហ្គេមភ្នាល់ដាក់ជីវិតដណ្ដើមប្រាក់លាន «Squid Game»។
សម្រាប់បទសម្ភាសន៍របស់កញ្ញានៅក្នុងទស្សនាវដ្ដីនោះ ភាគច្រើននិយាយពីរឿងជីវិតកញ្ញាមានការផ្លាស់ប្ដូរខ្លាំងក្រោយសម្ដែងរឿងខាងលើ និងគោលដៅការងារនាពេលអនាគត។
Jung Ho Yeon បានចូលរួមក្នុងបញ្ជីបំបែកកំណត់ត្រា ដូចរៀមច្បង Priyanka Chopra ដែលក្ដាប់បានតំណែងនារីអាស៊ីទីមួយបានថតរូបទោលដាក់លើគ្របទស្សនាវដ្ដី Vogue និង Naomi Osaka ដែលថតរូបជាលក្ខណៈក្រុម៕
ប្រភព៖ Vogue
