សកលវិទ្យាល័យធនធានមនុស្ស នឹងរៀបចំវគ្គសិក្សាពិសេសមួយអំពី «វិធីសាស្ត្រសរសេរសុន្ទរកថានិងជំនួយស្មារតី» ដែលវគ្គសិក្សានេះមិនធ្លាប់មានពីមុនមកនៅក្នុងប្រទេសកម្ពុជា ពិសេសបង្ហាត់បង្រៀនដោយគ្រូឧទ្ទេសនាមល្បីៗនិងពោរពេញទៅដោយបទពិសោធក្នុងការបង្រៀននិងបទពិសោធការងារជាក់ស្ដែងយូរឆ្នាំ។
វគ្គសិក្សារយៈពេល៣៦ម៉ោងនេះ សិក្ខាកាមទាំងអស់ នឹងទទួលបានចំណេះដឹង បទពិសោធ និង វិធីសាស្ត្រក្នុងការសរសេរសុន្ទរកថា និងជំនួយស្មារតី ព្រមទាំងសិល្បៈនៃការថ្លែងសុន្ទរកថាក្នុងពិធីផ្លូវការផ្សេងៗ ហើយទទួលបានវិញ្ញាបនបត្របញ្ជាក់ការសិក្សាផងដែរ។
គ្រូឧទ្ទេសនាម ដែលចូលមកបង្ហាត់បង្រៀនក្នុងវគ្គសិក្សាពិសេសនេះ រួមមាន ឯកឧត្តម សាស្ត្រាចារ្យ បណ្ឌិត ឯក មនោសែន សាកលវិទ្យាធិការនៃសាកលវិទ្យាល័យធនធានមនុស្ស ឯកឧត្តម នាយឧត្តមសេនីយ៍ សេង ផល្លី និង ឯកឧត្តម ឧត្តមសេនីយ៍ឯក ស៊ូ សុផាត។
វគ្គសិក្សាពិសេសនេះ មានរយៈពេល៤ថ្ងៃ ស្មើនឹង៣៦ម៉ោង សិក្សានៅថ្ងៃទី១៩-២០ កុម្ភៈ ២០២២ ចាប់ពីម៉ោង ៧:៣០ ដល់ម៉ោង ១២:៣០ និងនៅថ្ងៃទី ២៦-២៧ កុម្ភៈ ២០២២ ចាប់ពីម៉ោង ១៣:៣០ ដល់ម៉ោង ១៧:៣០ ស្ថិតនៅទីតាំងសាកលវិទ្យាល័យធនធានមនុស្ស។
ចំពោះបងប្អូនដែលមានចំណាប់អារម្មណ៍ សូមរួសរាន់ឡើងព្រោះចំនួនមានកំណត់ សំរាប់ព័ត៌មានលំអិត សូមទាក់ទង មកកាន់លេខទូរស័ព្ទ៖ 023 987 826 / 069 92 00 92 / 012 97 17 16 / 097 77 33 339 ឬទំនាក់ទំនងអ្នកសម្របសម្រួលកម្មវិធីតាមប្រព័ន្ធតេឡេក្រាម៖ 017 94 84 85 (Telegram)