នៅតែក្ដោបបានបេះដូងហ្វេនសម្រាប់តារាចម្រៀង Rapper វ័យក្មេងដ៏ល្បីរបស់កម្ពុជា ព្រោះគ្រាន់តែកំលោះ វណ្ណដា ចេញមកផុសរូបភាព Poster បទចម្រៀងថ្មីរបស់ខ្លួនដែលមានចំណងជើងថា «ឈាមខ្មែរ» អ្នកគាំទ្រលោកអន្ទះសារចង់ស្ដាប់ ទ្រាំឱ្យដល់ពេលយប់សឹងមិនបានទៅហើយ។
យុវជនមកពីខេត្តព្រះសីហនុរូបនេះបានចេញមកបង្ហាញ Poster បទថ្មីដោយមានភ្ជាប់នូវអត្ថន័យខ្លីថា «ឈាមខ្មែរ (KHMER BLOOD) វីដេអូចម្រៀងផ្លូវការនាយប់នេះ»
ពាក្យតែប៉ុន្មានម៉ាត់សោះរបស់វណ្ណដា បានធ្វើឱ្យអ្នកគាំទ្រលោកអន្ទះសារ ដោយសារតែអ្នកទាំងអស់នោះជឿជាក់ទៅលើសមត្ថភាពនិពន្ធចម្រៀងរបស់វណ្ណដា ដែលពីមួយបទទៅមួយបទ តែងតែផ្ដល់នូវអារម្មណ៍និងរសជាតិខុសៗគ្នា មិនធ្វើឱ្យអ្នកស្ដាប់និងទស្សនាទទួលអារម្មណ៍ច្រំដែលឡើយ។
យប់នេះសម្រាប់ហ្វេនៗ ដែលគាំទ្រតារាចម្រៀង វណ្ណដា កុំភ្លេចរង់ចាំគាំទ្របទចម្រៀងថ្មី «ឈាមខ្មែរ» របស់តារាចម្រៀងរូបនេះទាំងអស់គ្នាណា!