កញ្ញា រ៉េត ស៊ូហ្សាណា ទើបតែបង្ហោះបង្អួតរូបភាពទទួលបរិញ្ញាបត្របញ្ចប់ការសិក្សានៅសកលវិទ្យាល័យរបស់ខ្លួន បន្ទាប់ពីខិតខំប្រឹងប្រែងរៀនសូត្រផងធ្វើការផង រយៈពេល៤ឆ្នាំ។
តារាចម្រៀងនិងតារាសម្ដែងវ័យក្មេងរូបស្រស់របស់ផលិតកម្ម ហង្សមាស និង រស្មីហង្សមាស បានបង្ហោះរូបភាពចំនួន៣សន្លឹកបង្ហាញពីបរិយាកាសកញ្ញាទទួលបរិញ្ញាបត្របញ្ជាក់ពីសកលវិទ្យាល័យ Raffles international college មុខជំនាញ Business Management (ឬ គ្រប់គ្រងពាណិជ្ជកម្ម)។
កាលពីថ្ងៃអាទិត្យទី២៣ ខែមករា ឆ្នាំ២០២២ ម្ចាស់បទ «ត្រូវការកម្លាំងចិត្ត» បានផុសរូបថត៣សន្លឹកភ្ជាប់ជាមួយនឹងសំណេររៀបរាប់ពីសមិទ្ធផលបញ្ចប់ការសិក្សាថ្នាក់បរិញ្ញាបត្ររបស់ខ្លួនយ៉ាងដូច្នេះ៖
«រៀនផងធ្វើការផងក្នុងពេលតែមួយ មិនមែនជារឿងងាយស្រួលទេ….តែពេលនេះខ្ញុំអាចធ្វើបានហើយបន្ទាប់ពីការខិតខំប្រឹងប្រែងអស់រយៈពេល4ឆ្នាំខ្ញុំបានបញ្ចប់ការសិក្សានៅមហាវិទ្យាល័យ Raffles international college majoring in business management. I did it. After 4 years of hard work I finally graduated from raffles international college majoring in Business Management. @rafflescambodia #graduated #2022»
ហ្វេនៗដែលជាអ្នកគាំទ្រកញ្ញា បាននាំគ្នាចូលមក Comment សរសើរនិងអបអរសាទរកញ្ញា រ៉េត ស៊ូហ្សាណា ចំពោះការសម្រេចបាននូវសមិទ្ធផលដ៏ធំមួយទៀតក្នុងជីវិតគឺបញ្ចប់ការសិក្សាថ្នាក់បរិញ្ញាបត្រ៕