គ្រាន់តែតារាចម្រៀងនិងអ្នកនិពន្ធដ៏ល្បីឈ្មោះ លោក ទ្រី សក្កដា ហៅ Ah Da Sakada បានបង្ហោះរូបភាពមួយសន្លឹកជាមួយនឹងលោក សែម ឡង់ឌី ហៅ Peypey Dy នៅលើបណ្ដាញសង្គមភ្លាម ស្រាប់តែផ្ទុះ Comment ឆ្លើយតបពីអ្នកគាំទ្រយ៉ាងច្រើនដូចគ្នា។
លោក ទ្រី សក្កដា បានបង្ហោះសំណេរចែករំលែកដំណឹងល្អជូនដល់អ្នកគាំទ្រដែលស្រលាញ់ចូលចិត្តសំឡេងលោកនិងមិត្តសម្លាញ់ Peypey Dy បានដឹងថាពួកលោកត្រៀមចេញបទចម្រៀងសម្រាប់អបអរសាទរទិវានៃក្ដីស្រលាញ់ ១៤ កុម្ភៈ ឆ្នាំ២០២២ ខាងមុខនេះ។
លោកបានរៀបរាប់នៅក្នុងសំណេរនោះយ៉ាងដូច្នេះ៖ «រួចរាល់សម្រាប់ថ្ងៃនេះ! ឆ្នាំនេះមានអ្វីប្លែកសម្រាប់ 14 កុម្ភៈ? នឹកពួកយើងអត់ We’re back»។
កន្លងមកលោក ទ្រី សក្កដា និងលោក សែម ឡង់ឌី តែងតែមានបទចម្រៀងចេញជូនមិត្តអ្នកស្ដាប់របស់ខ្លួននៅរាល់ទិវានៃក្ដីស្រលាញ់ជានិច្ច ដែលបទទាំងនោះមានដូចជា៖ «ទិញផ្កាជូនខ្លួនឯង»,«អត់គូអត់លិឍ»,«ស្រលាញ់ខ្លួនឯង», «Best Friends»,និងបទ «ស៊ូអត់ Solo Valentine»។
ក្រោយទទួលបានដំណឹងនេះហ្វេនៗរបស់អ្នកទាំងពីរបានបង្ហាញក្ដីរំភើបរីករាយនិងអន្ទះសារចង់ស្ដាប់និងទស្សនាបទចម្រៀងថ្មីរបស់អ្នកទាំងពីរសឹងតែគ្រប់គ្នា។
គិតមកដល់បច្ចុប្បន្នលោក ទ្រី សក្កដា និងលោក Peypey Dy បានចេញបទចម្រៀងគ្នាចំនួន៥បទហើយ បើបូកសរុបទាំងបទចម្រៀងថ្មីត្រៀមចេញនេះទៀតគឺជាបទចម្រៀងទី៦ដែលជាស្នាដៃច្រៀងរួមគ្នារវាងអ្នកទាំងពីរ៕