ភ្នំពេញ៖ រថយន្តដឹកឥដ្ឋមួយគ្រឿងបេីកបរលឿនជ្រុលទៅបុកជាមួយកង់បីឥណ្តាមួយគ្រឿងកំពុងបើកឆ្លងផ្លូវពេញទំហឹងបណ្តាលអោយមនុស្ស៣នាក់របួសធ្ងន់១នាក់ និងស្រាល២នាក់ត្រូវបានរថយន្តសាម៊ុយដឹកយកទៅសង្គ្រោះបន្ទាន់ភ្លាមៗ។
ហេតុការណ៍នេះ កើតឡើងនៅវេលាម៉ោង១០និង២០នាទី ថ្ងៃទី០៧ ខែកុម្ភៈ ឆ្នាំ២០២២ តាមបណ្តោយផ្លូវហាន់ណូយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
តាមប្រភពពីប្រជាពលរដ្ឋឃើញហេតុការណ៍បានអោយដឹងថា មុនពេលកេីតហេតុគេឃេីញរថយន្តដឹកឥដ្ឋមួយគ្រឿងពណ៍សពាក់ស្លាកលេខភ្នំពេញ3E-4875 បេីកបរដោយបុរសម្នាក់ក្នុងល្បឿនលឿនតាមបណ្តោយផ្លូវហាន់ណូយទិសដៅពីត្បូងមកជេីងស្រាប់តែមកដល់ចំណុចស្តុបវត្តសំរោងអណ្តែតក៍បានជ្រុលទៅបុកជាមួយកង់បីឥណ្តាមួយគ្រឿងពណ៍សពាក់ស្លាកលេខភ្នំពេញ1HW-9847 បេីកបរដោយបុរសម្នាក់និងអ្នករួមដំណេី២នាក់ទិសដៅពីលិចមកកេីតចំពាក់កណ្តាលពេញទំហឹងបណ្ដាលអោយកង់បីវិលមួយជុំ ហេីយរថយន្តមិនទាន់អស់ល្បឿនក៍បានឡេីងលេីខឿនសួនច្បារពុះចែកទ្រូងផ្លូវបុកបង្គោលភ្លេីងបាក់អស់មួយដេីមបន្ថែមទៀតកល់ជាប់ទៅមុខលែងរួច ។
ឯអ្នកបេីកបរកង់បីឥណ្តារងរបួសធ្ងន់និងអ្នករួមដំណេី២នាក់ទៀតរបួសស្រាលត្រូវបញ្ចូនទៅសង្គ្រោះបន្ទាន់ភ្លាមៗផងដែរ រថយន្តដឹកឥដ្ឋ និងកង់បីឥណ្តារងកាខូចខាតយ៉ាងដំណំ ចំណែកអ្នកបើកបររថយន្តត្រូវសមត្ថកិច្ចឃាត់ខ្លួន។
ក្រោយកេីតហេតុកម្លាំងសមត្ថកិច្ចមូលដ្ឋានបានចុះមកដល់កន្លែងកេីតហេតុ រួចទាក់ទងទៅជំនាញចរាចរណ៍ផ្លូវចុះមកវាស់វែងយករថយន្តនិងកង់បីឥណ្តាទៅរក្សារទុកនៅការិល័យចរាចរណ៍ផ្លូវគោកនៃស្នងការដ្ឋាននគបាលរាជធានីភ្នំពេញរងចាំដោះស្រាយគ្នានៅពេលក្រោយ៕