រូបភាពផ្ញើពាក្យជូនពររបស់តារាសម្ដែង Zhao Liying ធ្វើក្រញ៉ាំដៃសត្វខ្លា ក្នុងពេលកំពុងជូនពរត្រូវទូរទស្សន៍ CCTV យកមកផុស មុនពេលកម្មវិធីបុណ្យចូលឆ្នាំមកដល់ រហូតធ្វើឱ្យហ្វេនៗដែលបានឃើញហើយកាន់តែលង់ស្រលាញ់តារារូបនេះខ្លាំងថែមទៀត។
នៅក្នុងឱកាសបុណ្យចូលឆ្នាំប្រពៃណីជនជាតិចិន តារាសម្ដែងចិននិងកូរ៉េជាច្រើនដួងបានផ្ញើពាក្យជូនពរឆ្នាំថ្មីដល់អ្នកគាំទ្រ ក្រោយពីប្រជាជនទូទាំងសកលលោកបានឆ្លងកាត់ឆ្នាំដ៏លំបាកដោយសារតែការរីករាលដាលនៃជំងឺកូវីដ-១៩។ ពាក្យជូនពររបស់តារាទាំងអស់មិនមានអ្វីក្រៅពីសូមឱ្យមាន សុខភាពល្អ និងវិបុលភាពក្នុងជីវិត ពិសេសជួបជុំក្រុមគ្រួសារដោយរីករាយក្នុងឱកាសឆ្នាំថ្មី។
Zhao Liying គឺជាតារាសម្ដែងស្រីដ៏ល្បីល្បាញដែលត្រូវបានហ្វេនស្គាល់ថាមានភាពទន់ភ្លន់ គួរឱ្យស្រលាញ់ ក្រោយលែងលះស្វាមីដែលជាតារាល្បីដូចគ្នានោះ តារាស្រីរូបនេះបានផ្ដោតសំខាន់លើអាជីពជាតារាសម្ដែងហើយបន្តទទួលបានជោគជ័យយ៉ាងច្រើនក្នុងវិស័យមួយនេះ។ ស្នាដៃថ្មីចំនួន៣ដែលត្រៀមបម្រើចំណីចក្ខុរបស់អ្នកគាំទ្រនោះមាន «Love Drma» «Happiness to Van Gia» និង «Ideals Projecting China» បន្ថែមលើនោះតួអង្គ Raya ក្នុងភាពយន្តរបស់ Disney រឿង «Raya and the Last Dragon» ដែលបញ្ចាំងនៅប្រទេសចិន ក៏ជាសំឡេងរបស់តារាស្រីរូបនេះបញ្ចូលឱ្យដែរ៕
ប្រភព៖ NLD.COM
