បន្ទាប់ពីឆ្លងកាត់ព្យុះភ្លៀងស្នេហាទីបំផុតថៅកែឡេអនឡាញអ្នកនាង ស៊ាន សុធារី និងលោកប៊ុន ផាកអាចបើកចំហទំនាក់ទំនងស្នេហារបស់ខ្លួន ពិសេសនៅទិវានៃក្ដីស្រលាញ់កន្លងមកនេះ ភាគីខាងស្រីបានបង្ហោះសំណេរផ្អែមល្ហែមហៅខាងប្រុសថាអនាគតស្វាមីពេញៗមាត់។
ឆ្លងផុតដំណាក់កាលល្អក់កករចំណងស្នេហារវាងលោក ប៊ុន ផាក និងគូស្នេហ៍ដែលជាថៅកែឡេអនឡាញ ស៊ាន សុធារី កំពុងតែផ្អែមល្ហែមដូចបានក្រេបទឹកឃ្មុំខែចែត្រ ព្រោះអ្នកទាំងពីរតែងបង្ហោះបង្ហើរបង្អួតពីចំណងស្នេហាស្អិតល្មួតនៅលើបណ្ដាញសង្គមឱ្យអ្នកអត់គូច្រណែនជានិច្ច។
សូមចុចអាន សំណេរឆ្លើយឆ្លងផ្អែមល្ហែមរវាងលោក ប៊ុន ផាក និងថៅកែ V Shop កំពុងក្លាយជាប្រធានក្ដៅសារជាថ្មី…
តួយ៉ាងដូចជានៅថ្ងៃទី១៤ ខែកុម្ភៈ កន្លងទៅនេះ ដែលត្រូវនឹងទិវានៃក្ដីស្រលាញ់ អ្នកនាង ស៊ាន សុធារីបានបង្ហោះសារបង្ហាញពីសេចក្ដីស្នេហារបស់ខ្លួនទៅកាន់គូស្នេហ៍យ៉ាងដូច្នេះ៖ «Happy Valentines’s day my future husband បងគឺជាថាមពលជីវិត មិនថាទីណា កន្លែងណា ញ៉ាំអ្វី មានបងគឺគ្រប់គ្រាន់ ទោះជាយើងស្គាល់គ្នាមិនយូរប៉ុន្មាន តែសេចក្ដីស្រលាញ់ ការថ្នាក់ថ្នម យកចិត្តទុកដាក់មើលថែ ដែលបងផ្ដល់ឱ្យអូនវាលើសលប់។ Sorry that I can’t hiding my feeling, we are not sweet only in social media»។
នេះមិនមែនជាលើកទីមួយឡើយដែលអ្នកទាំងពីរបង្ហាញពីសេចក្ដីស្រលាញ់ឱ្យគ្នាទៅវិញទៅមកនៅលើបណ្ដាញ Social Media ព្រោះកន្លងៗមកអ្នកទាំងពីរតែងតែបង្ហោះនូវភាសាស្នេហាឱ្យគ្នាទៅវិញទៅមកជានិច្ច៕
ប្រភព៖ Page V Shop Brand