អ្នកគាំទ្រកីឡាអេឡិចត្រូនិកនឹងទទួលបានភាពរីករាយនៅពេលព្រឹត្តិការណ៍ប្រកួតលីគអាជីព MPL-KH វគ្គ Spring Split នឹងចាប់ផ្តើមប្រកួតវគ្គវិលជុំសន្សំពិន្ទុនាថ្ងៃទី២៦ ខែកុម្ភៈនេះ។ ក្រុម៤ដែលជាប់ពីការប្រកួតជម្រុះគឺ Infamous LG, Divinity Saga, Team Max KH, និង Logic Esports ទទួលបានកៅអីមកវគ្គវិលជុំសន្សំនេះ បន្ទាប់ពីប្រកួតវគ្គជម្រុះពីថ្ងៃទី២ដល់២៥ ខែមករា។
បន្ទាប់មកការប្រកួតជម្រុះយក២៥៦ក្រុមប្រជែងគ្នាឆ្ពោះទៅរកវគ្គ១៦ក្រុម មុនពេលប្រកួតយកក្រុមកំពូលទាំង៨ពីថ្ងៃទី២២-២៣ ខែកុម្ភៈ។ ក្រុមកំពូលទាំង៨ត្រូវប្រកួតប្រជែងគ្នាក្នុងវគ្គជម្រុះទៀតមុនពេលជ្រើសរើសយក៤ក្រុមចុងក្រោយគឺ Infamous LG, Divinity Saga, Team Max KH និង Logic Esports បានកៅអីទៅវគ្គវិលជុំសន្សំពិន្ទុ។
កៅអី៤ក្រុមផ្សេងទៀតគឺ Impunity KH, BURN Gaming, Diversity Gaming Quantum និងជើងឯកឆ្នាំចាស់ See You Soon ដែលជាក្រុមទាំងខ្លាំងមានឈ្មោះឈរចាំរួចជាស្រេចនៅវគ្គវិលជុំសន្សំពិន្ទុ។
ក្រុមទាំង៨វគ្គវិលជុំសន្សំពិន្ទុ
Impunity KH (ឈរចាំ)
BURN Gaming (ឈរចាំ)
Diversity Gaming Quantum (ឈរចាំ)
See You Soon (ឈរចាំ)
Infamous LG (ជាប់វគ្គជម្រុះ)
Divinity Saga (ជាប់វគ្គជម្រុះ)
Team Max KH (ជាប់វគ្គជម្រុះ)
Logic Esports (ជាប់វគ្គជម្រុះ)
ជាមួយគ្នានេះ អ្នកគាំទ្រនឹងបានជួបជាមួយលោក Harada Miki (អ្នកវិភាគ), លោក SENTO, KaKa42 (ពិធីករ), Mano Gaming, Kbeezz, Mengly Gaming និង Sea Neang Gaming មានវត្តមានក្នុងវគ្គនេះដែរ។ ការប្រកួតនេះដែរជាការចាប់ដៃគូជាមួយក្រុមហ៊ុនទូរសព្ទ Smart និងគាំទ្រដោយបណ្តាញទំនាក់ទំនងសង្គម TikTok និងភេសជ្ជៈ Sting មានក្រុមជាង៤៦០បានចុះឈ្មោះចូលរួមប្រកួតក្នុងវគ្គជម្រុះដែលរៀបចំឡើងដោយក្រុមហ៊ុន MOONTON Games។
ភ្ញៀវកិត្តិយសពិសេសៗក៏នឹងត្រូវបានអញ្ជើញចូលរួមក្នុងការផ្សាយផ្ទាល់ប្រចាំសប្តាហ៍ដើម្បីផ្តល់ភាពរីករាយកាន់តែងស្ចារ្យដល់អ្នកទស្សនា។
សូមចុចទស្សនាត្រង់នេះ វីដេអូផ្សព្វផ្សាយផ្លូវការ។ សូមបញ្ជាក់ថា ការប្រកួតវិលជុំសន្សំ MPL-KH វគ្គ Spring Split ឆ្នាំ២០២២ចាប់ពីថ្ងៃទី២៦ ខែកុម្ភៈ ដល់ថ្ងៃទី២៨ ខែមីនា ព្រមទាំងការប្រកួតវគ្គខ្វែង និងវគ្គផ្តាច់ព្រ័ត្រពីថ្ងៃទី៩ ដល់ទី២៤ ខែមេសា។
ប្រាក់រង្វាន់សរុប៤ម៉ឺនដុល្លារសម្រាប់ក្រុមជយលាភីដែលទទួលបានដូចខាងក្រោម៖
លេខ១៖ ១៦ ០០០ ដុល្លារអាមេរិក
លេខ២៖ ៨ ០០០ ដុល្លារអាមេរិក
លេខ៣៖៥ ០០០ ដុល្លារអាមេរិក
លេខ៤៖ ៣ ០០០ ដុល្លារអាមេរិក
លេខ៥៖ ២ ០០០ ដុល្លារអាមេរិក
លេខ៦៖ ២ ០០០ ដុល្លារអាមេរិក
លេខ៧៖ ២ ០០០ ដុល្លារអាមេរិក
លេខ៨៖ ២ ០០០ ដុល្លារអាមេរិក
ព័ត៌មានលំអិតផ្សេងអំពី MPL KH Spring Split, សូមចូលទៅកាន់បណ្តាញទំនាក់ទំនងសង្គមដូចជា Facebook Youtube TikTok Instagram។
សូមបញ្ជាក់ថាក្រុមហ៊ុន MOONTON បង្កើតនៅឆ្នាំ២០១៤ ជាក្រុមហ៊ុនវីដេអូហ្គេមសកលមួយដែលផ្តោតលើការអភិវឌ្ឍ និងផ្សព្វផ្សាយកីឡាអេឡិចត្រូនិក។ បុគ្គលិកជាង១០០០នាក់ទូទាំងពិភពលោក ក្រុមហ៊ុនបើកការិយាល័យនៅប្រទេសឥណ្ឌូណេស៊ី ម៉ាឡេស៊ី សិង្ហបុរី ហុងកុង និងចិន។ ក្រុមហ៊ុនបានបើកសម្ពោធហ្គេមតាមទូរសព្ទដៃដ៏ជោគជ័យលំដាប់ពិភពលោកជាច្រើន និងបានកសាងទំនាក់ទំនងរយៈពេលវែងជាមួយរដ្ឋាភិបាល និងស្ថាប័នកីឡាអេឡិចត្រូនិកជាង៣០ទូទាំងពិភពលោក។
ចំណែក Mobile Legends: Bang Bang វិញជាវេទិកាប្រកួតអនឡាញតាមទូរសព្ទដៃដ៏ពេញនិយមបំផុត (MOBA)ដែលប្រមូលផ្តុំអ្នកលេងប្រកបដោយស្មារតីក្រុម និងយុទ្ធសាស្ត្រ។ អ្នកទាញយកប្រើជាង១ពាន់លាននាក់ និងមានអ្នកលេងសកម្ម១០៥លាននាក់ប្រចាំខែ។ វិញ្ញាសានេះឈ្នះពានរង្វាន់ក្នុងចំណោមវិញ្ញាសាដែលត្រូវបានលេងច្រើនជាងគេបំផុតកំពូលទាំង១០ក្នុងចំណោមជាង១២០ប្រទេស។ វាត្រូវបានលេងពេញទូទាំងតំបន់អាស៊ីប៉ាស៊ី អ្នកលេងច្រើនបំផុតមានដល់១៩០ប្រទេសទាំងពិភពលោក។
សម្រាប់កីឡាអេឡិចត្រូនិក Mobile Legends បង្កើតនៅឆ្នាំ២០១៧ Mobile Legends: Bang Bang Esports ជាវិញ្ញាសាកីឡាអេឡិចត្រូនិកសម្រាប់អ្នកនិយមលេងតាមទូរសព្ទដៃដើម្បីបំពេញក្តីស្រមៃរបស់ពួកគេក្លាយជាអត្តពលិកឡេអិចត្រូនិកអាជីព និងជាឱកាសជួបជាមួយអត្តពលិកទូទាំងពិភពលោក។ វិញ្ញាសាកីឡាអេឡិកត្រូនិក MLBB Esports បាន និងកំពុងពង្រីកការប្រកួតលក្ខណៈលីគអាជីពជាច្រើន រាប់ការបញ្ចូលជាផ្លូវការក្នុងព្រឹត្តិការណ៍កីឡាស៊ីហ្គេម ឆ្នាំ២០១៩៕
