កម្មវិធីប្រគំតន្ត្រីទេសចរណ៍របស់ Justin Bieber មួយចំនួនត្រូវលុបចោលដោយសារតែតារាចម្រៀងរូបនេះតេស្តវិជ្ជមាន Covid-19។
តំណាងរបស់កំពូលតារាចម្រៀងល្បីរូបនេះបានប្រាប់ CNN ថា Justin Bieber កំពុងតែមានអាការៈស្រាលដែលបង្កឡើងដោយសារការឆ្លងវីរុសនេះ។
នៅលើ T-Mobile Arena បានចេញសេចក្ដីប្រកាសថា កម្មវិធីប្រគំតន្ត្រីទេសចរណ៍របស់ Justin នៅក្នុងទីក្រុង Las Vegas នឹងត្រូវលុបចោលដោយសារតែតារាបានឆ្លងជំងឺកូវីដ-១៩។ នៅក្នុងសេចក្ដីប្រកាសនោះបានឱ្យដឹងដែរថាតារាចម្រៀងរូបនេះពិតជាសោកស្ដាយយ៉ាងខ្លាំង ប៉ុន្តែដោយគិតពីសុខសុវត្ថិភាពអ្នកគាំទ្រ និងក្រុមការងារជាអាទិភាព ចាំបាច់ត្រូវតែលុបចោលសិន។
តារាចម្រៀងកាណាដារូបនេះបានលុបចោលការច្រៀងនិងសម្ដែងរបស់ខ្លួននៅក្នុងទីក្រុង Las Vegas ដោយធ្វើការកំណត់កាលបរិច្ឆេទប្រគំតន្ត្រីជាថ្មីនៅថ្ងៃទី២៨ ខែមិថុនា ប៉ុន្តែគ្រប់យ៉ាងអាចនឹងមានការផ្លាស់ប្ដូរអាស្រ័យលើកម្មវិធីលេងវគ្គជម្រុះ NHL។
អ្នកគាំទ្រអាចយកសំបុត្រទៅប្ដូរជាប្រាក់វិញបាន។ ក្រៅពីលុបចោលការប្រគំតន្ត្រីហើយនោះ នៅក្នុងសប្ដាហ៍nV តារាចម្រៀងល្បីថែមទាំងលុបចោលការ ប្រគំតន្ត្រីផ្សេងៗនៅ Glendale, Arizona,Tacoma,Washington និង Los Angeles ផងដែរ៕
ប្រភព៖ thedenverchannel.com
