ដំណឹងដែលកំពុងក្លាយជាទីចាប់អារម្មណ៍សម្រាប់ Blink ទូទាំងពិភពលោកគឺ Rose សមាជិកមួយរូបរបស់ក្រុម Blackpink បានឆ្លងជំងឺ Covid-19 ដូច្នេះការងារមួយចំនួនរបស់ក្រុមចម្រៀងនេះនៅបរទេសត្រូវលុបចោលជាបណ្ដោះអាសន្នរហូតដល់ Rose ជាសះស្បើយ។
YG Entertainment ដែលជាផលិតកម្មគ្រប់គ្រងលើ blackpink បានចេញមកប្រកាសដំណឹងនៅថ្ងៃចន្ទទី២៨ ខែកុម្ភៈនវថា Rose (រ៉ូហ្សេ) បានឆ្លងជំងឺ Covid-19 ចំណែកសមាជិក៣រូបផ្សេងទៀតមានដូចជា Jennie, Jisoo និង Lisa បានពិនិត្យរួចហើយលទ្ធផលអវិជ្ជមាន និងមានអាការៈអ្វីគួរឱ្យបារម្ភនោះទេ ដោយខាងផលិតកម្មបានបញ្ជាក់ថាសមាជិកទាំង៤រូបបានចាក់វ៉ាក់សាំងគ្រប់ដូសទាំងអស់ព្រោះក្រុមហ៊ុនយកចិត្តទុកដាក់ជាពិសេសលើសុខុមាលភាពរបស់បុគ្គលិកទាំងអស់។
តាមសេចក្ដីរាយការណ៍ខាងលើបានឱ្យដឹងថា Rose មានការងារត្រូវទៅបំពេញនៅក្រៅប្រទេសដូច្នេះហើយទើបចាំបាច់ទៅពិនិត្យ PCR ហើយជាលទ្ធផលបានបង្ហាញថាមានវិជ្ជមាន Covid-19 ដូច្នេះ YG បានលុបចោលការងារទាំងអស់ដែលពាក់ព័ន្ធនឹងតារាស្រីរូបនេះ។ YG បានថ្លែងយ៉ាងដូច្នេះថា៖ «នេះគឺផលិតកម្ម YG Entertainment Rose សមាជិក Blackpink បានពិនិត្យឃើញមានវិជ្ជមាន Covid-19 ក្រោយពិនិត្យ PCR មុនធ្វើដំណើរចេញក្រៅប្រទេសនៅថ្ងៃតី២៨ កុម្ភៈ ធ្វើឱ្យការងារនានារបស់នាងនៅក្រៅប្រទេសត្រូវលុបចោលមួយចំនួន»
ចំពោះសមាជិក៣រូបដែលនៅសល់លទ្ធផលអវិជ្ជមាន សម្រាប់អាការៈវិញនោះអ្នកទាំង៤មិនមានអាការៈអ្វីគួរឱ្យសង្ស័យនោះទេ។ សមាជិកទាំងអស់បានចាក់វ៉ាក់សាំងការពារជំងឺ Covid-19 គ្រប់ដូស ព្រោះផលិតកម្មយកចិត្តទុកដាក់ជាពិសេសលើសុខភាពរបស់សិល្បករក្នុងផលិតកម្មក៏ដូចជាបុគ្គលិកផ្សេងៗទៀតដែរ។ ផលិតកម្មមានសេចក្ដីត្រេកអរយ៉ាងខ្លាំងបើសិនជាអ្នកគាំទ្រទាំងអស់ចង់ឱ្យ Rose ឆាប់ជា និងគាំទ្រទៅលើការងារលំដាប់ថ្នាក់អន្តរជាតិទាំងអស់របស់សមាជិក Blackpink។ ខាងផលិតកម្មនឹងជំរាបជូនបន្ថែមទៀតប្រសិនបើមានដំណឹងឬកិច្ចការងារអ្វីប្រែប្រួល៕
ប្រភព៖ Soompi