ថ្ងៃនេះមានការចាប់អារម្មណ៍ខ្លាំងនៅលើបណ្ដាញហ្វេសប៊ុក ព្រោះឃើញលោក Thi ThaRa ជាផលិតករមួយរូបធ្វើការនៅក្រុមហ៊ុនមហាហង្ស និងគូស្នេហ៍ដែលមានឈ្មោះថា Dèw Dèw រួមទាំងម្ចាស់ Sponsor ឈុតឱ្យបវរកញ្ញាកម្ពុជាចេញទៅប្រកួតនៅប្រទេសអារ៉ាប់រួម បានចេញមកផុសដៀលដៀមដាមឱ្យបវរកញ្ញាមួយរូប ហើយប្រដូចចរិតទៅនឹងសត្វក្រពើរមិលគុណ។
ពិតណាស់មនុស្សជាច្រើនពិតជាមានការចាប់អារម្មណ៍ ទៅលើករណីជម្លោះអាថ៌កំបាងរវាងបុគ្គលដែលបានរៀបរាប់ខាងលើទៅនឹងបវរកញ្ញាមួយរូប ដែលទំនាស់ពាក្យសម្ដីនេះកើតចេញទៅបានដោយសារតែបវរកញ្ញាតំណាងកម្ពុជារូបនេះបានប្រើប្រាស់សម្ដីប្រមាថចំពោះគ្រូខ្លួន មើលងាយដល់ភេទទី៣ ហើយថែមទាំងជាមនុស្សមានចរិតមិនល្អចាក់រុកចង់ឱ្យថ្នាក់ដឹកនាំដកគ្រូបង្ហាត់ខ្លួនចេញ។ ក្នុងនោះលោក Thi Thara បានសុំទោស ចំពោះមនុស្សពាក់ព័ន្ធទាំងអស់ពិសេសម្ចាស់ស្ពន់សឺដែលបានចូលរួមឧបត្ថម្ភឈុតដល់បវរកញ្ញារូបនោះ។
ក្រៅពីលោក Thi Thara ក៏មានលោក Dew Dew និងម្ចាស់គណនី ម៉ារីយ៉ា ម៉ារីយ៉ា ដែលបានចេញមកបង្ហោះសារចាក់ដោត និង ដៀលត្មិះចំពោះបវរកញ្ញាអាថ៌កំបាំងរូបនោះដោយអ្នកទាំងពីរនេះបានបញ្ចេញនូវចំណាប់អារម្មណ៍មិនពេញចិត្ត មិនសប្បាយចិត្ត ថែមទាំងប្រដូចចរិតបវរកញ្ញារូបនោះទៅនឹងសត្វក្រពើផងដែរ។
ក្នុងការរៀបរាប់នោះ ថ្វីត្បិតតែមិនបញ្ចេញមកចំៗថាបវរកញ្ញារូបនោះជាអ្នកណា តែបើតាមការតាមដានទៅឃើញមានពាក្យពេចន៍ដែលសរសេរមកដូចជា «ខ្ញុំម្ចាស់ឈុត Miss Teen Universe Cambodia សូមដកឈុតនេះយកមកវិញ», «នាងព្រហើនណាស់ នាងហ៊ានដៀលប្រមាថខ្ញុំទាំងដែលខ្ញុំជាអ្នកបង្រៀននាង ចិត្តនាងសាងពីអី ហាស ពីពិលមែន នាងចាំទុក មនុស្សខ្ញុំល្អមិនខ្វះទេអ្នករាប់ស្រលាញ់», «ខ្ញុំសូមទោសដល់ Sponsor ទាំងអស់ដែលខ្ញុំសហការជាមួយជួយដល់ Miss ……..………Cambodia 2022 ខ្ញុំនឹងយកឈុតទាំងរបស់បងៗជូនបងៗម្ចាស់ Sponsor វិញអគុណដែលខំយកចិត្តទុកដាក់កន្លងមកបង ខ្ញុំពិតជាសោកស្ដាយដែលធ្វើឲ្យបងបងម្ចាស់ Sponsor ខកចិត្ត »
យោងតាមសំណេរទាំងអស់នេះនៅមិនទាន់គ្រប់គ្រាន់នៅឡើយទេ ព្រោះបើតាមការព្រលយពីផេកមួយឈ្មោះថា Pageant Cambodia បានបញ្ចេញពាក្យពេចន៍តាមរយៈ Status ថា «កន្លែងបង្ហាត់បវកញ្ញាវ័យក្មេងមួយចំនួន យកបវកញ្ញាគេទៅបង្រៀនដើរតែអត់ចេះបង្រៀនចរិតសោះ គ្រូម៉ែនោមឈរ ឫ នោមអង្គុយ គ្រូដូចជាភេទទីបីដែល មិចឲ្យកូនសិស្សដៀលគេភេទទីបីចឹង អ្នកខូ? ទើបបានសិស្សចេញមកបែបនេះ ស៊ីពេគេហើយ ធ្វើគ្រាន់ទៀត Miss …….…Dubai Cambodia 2022» យោងតាមសម្ដីនេះអាចទាញជាសម្មតិកម្មបានថាយុវតីដែលគ្រប់គ្នាកំពុងនិយាយដល់នោះអាចជា បវរកញ្ញាតំណាងកម្ពុជា ឬ Miss Teen International Cambodia ឆ្នាំ២០២២ ដែលបានចេញទៅប្រកួតតំណាងកម្ពុជាកាលពីពេលថ្មីៗនេះ មានឈ្មោះកាត់ថា (ទ.ប.ម)។
នៅពេលនេះសារព័ត៌មានត្រយងកំពុងតែព្យាយាមទំនាក់ទំនងទៅកាន់បុគ្គលសំខាន់ទាំង៣រូបខាងលើដើម្បីសុំការស្រាយបំភ្លឺបន្ថែម ពីដំណើរដើមទង ដែលបណ្ដាលឱ្យមានទំនាស់រហូតឈានដល់ប្រើប្រាស់បណ្ដាញសង្គមបញ្ចេញកំហឹងយ៉ាងដូច្នេះ ប៉ុន្តែមិនទាន់អាចទាក់ទងបាននៅឡើយ៕