កម្មវិធីប្រកួតប្រឡងចម្រៀងកម្រិតពិភពលោក The Voice Kids Cambodia រដូវកាលទី៣ នឹងមកដល់ក្នុងពេលឆាប់ៗនេះហើយ។ នេះបើយោងតាមការប្រកាសពីផេកផ្លូវការរបស់ទូរទស្សន៍រស្មីហង្សមាស។
យោងតាមការប្រកាសពីផេកផ្លូវការរបស់ទូរទស្សន៍រស្មីហង្សមាស Rasmey Hang Meas បានចេញសេចក្ដីប្រកាសនៅថ្ងៃទី១៦ ខែមីនា ឆ្នាំ២០២២ ថាកម្មវិធីប្រឡងចម្រៀងលំដាប់អន្តរជាតិសម្រាប់កុមារនឹងចាប់ផ្ដើមនៅក្នុងពេលឆាប់ៗនេះហើយ ពោលគឺនៅក្នុងឆ្នាំនេះតែម្ដង។
ដោយសារតែបញ្ហាកូវីដ-១៩ ទើបធ្វើឱ្យកម្មវិធីសិល្បៈ និងកម្មវិធីប្រកួតប្រជែងចម្រៀងមួយចំនួនត្រូវបានផ្អាកឬក៏ពន្យាពេល ប៉ុន្តែដោយសារបច្ចុប្បន្នស្ថានភាពជំងឺកូវីដ-១៩ នៅកម្ពុជាមានភាពធូរស្រាលធ្វើឱ្យកម្មវិធីផ្សេងៗមិនថាតែក្នុងវិស័យសិល្បៈ សូម្បីវិស័យឯកជន និងរដ្ឋក៏ចាប់ផ្ដើមបើកដំណើរឡើងវិញជាបណ្ដើរៗផងដែរ។
ការប្រកាសនេះទទួលបានការចាប់អារម្មណ៍ច្រើនពីសំណាក់សាធារណជន ព្រោះមានអ្នកចូលទៅ Comment សាកសួរពីព័ត៌មានលម្អិតពិសេសកាលបរិច្ឆេទនៃការប្រកួត។
សម្រាប់ប្អូនៗដែលស្រលាញ់សិល្បៈនិងចង់ក្លាយជាតារាចម្រៀងអាជីព កុំភ្លេចតាមដានការផ្សាយរបស់សារព័ត៌មានត្រយង ឬផេករបស់ទូរទស្សន៍ហង្សមាសដើម្បីទទួលបានកាលបរិច្ឆេទជាក់លាក់នាពេលខាងមុខ៕
ប្រភព៖ Rasmey Hang Meas
