Netflix – មុនពេលក្លាយជានប្រធានាធិបតីអ៊ុយក្រែន លោក Volodymyr Zelensky គឺជាតារាសម្ដែងនិងតារាកំប្លែងដ៏ជោគជ័យមួយរូប។ បច្ចុប្បន្ន Netflix បានចាក់ផ្សាយភាពយន្តភាគជាស៊េរីដែលជួយឱ្យបុរសជាតារារូបនេះក្លាយជាប្រធានាធិបតី «Servant of the People» សារឡើងវិញ។
ភាពយន្តដែលជួយលោក Zelensky បានឈ្នះយុទ្ធនាការឃោសនាបោះឆ្នោតនេះ បរិយាយពីគ្រូនៅវិទ្យាល័យមួយរូបដែលបានក្លាយជាប្រធានាធិបតីអ៊ុយក្រែន ក្រោយលោកបានថ្លែងសុន្ទរកថានិយាយពីបញ្ហាពុករលួយនៅក្នុងរង្វង់រដ្ឋាភិបាលអ៊ុយក្រែន។
ភាពយន្តនេះបានផ្សាយបានកាលពីឆ្នាំ២០១៥ ហើយមានមនុស្សមួយចំនួនបានលើកឡើងថារឿងនេះគឺជារឿងដែលជួយឱ្យលោកបានឈ្នះឆ្នោតនិងក្លាយជាប្រធានាធិបតីកាលពីឆ្នាំ២០១៩។
Netflix បង្ហោះនៅលើ Twitter កាលពីថ្ងៃពុធកន្លងទៅនេះថា ភាពយន្ត «Servant of the People» នឹងត្រលប់មកបញ្ចាំងឡើងវិញឆ្លើយតបទៅតាមការសំណូមពរ។ សព្វថ្ងៃ Zelensky កំពុងតែត្រូវបានពិភពលោកផ្ដោតការចាប់អារម្មណ៍ខ្លាំងដោយសារតែស្មារតីការពារជាតិដោយមិនខ្លាចញញើតចំពោះការរុករានពីប្រទសរុស្សី៕
ប្រភព៖ CNN