ថ្វីត្បិតបច្ចុប្បន្នតម្លៃប្រេងសាំងហក់ឡើងខ្ពស់ធ្វើឱ្យបងប្អូនប្រជាពលរដ្ឋកម្ពុជាមួយចំនួនជួបប្រទះនូវការលំបាកក្នុងការចិញ្ចឹមជីវិតប្រចាំថ្ងៃ ប៉ុន្តែបើងាកទៅមើលផ្នែកសិល្បៈតារាខ្លះកំពុងតែប្រើជីវិតរស់បែបស៊ីវិល័យហាក់មិនរង្គោះរង្គើឡើយ ឧទាហរណ៍ដូចជាតារាចម្រៀងប្រចាំហង្សមាសចំនួន៣ដួង ទើបនឹងបង្ហោះសម្ញែងរថយន្តបកពីកេសរបស់ខ្លួន។
យោងតាមការបង្ហោះចែករំលែករបស់លោក ណុប បាយ៉ារិទ្ធិ តារាចម្រៀងជើងចាស់និងជាតារាចម្រៀងចាស់វស្សាប្រចាំផលិតកម្ម ហង្សមាស និងរស្មីហង្សមាស បានទម្លាយឱ្យដឹងកាលពីថ្ងៃទី១៨ ខែមីនា ឆ្នាំ២០២២ ម្សិលមិញនេះថា ៖ «អរគុណពេលវេលាអោយពួកយើងស្គាល់គ្នា ពីកូនក្រុមក្នុងកម្មវិធី មកជាប្អូន រួមសុខ រួមទុក្ខ ផ្តល់កម្លាំងចិត្តអោយគ្នា ឈានមកដល់ចំនុចនេះគឺជាមោទនភាពមួយសម្រាប់ប្អូនទាំង២ មិនខ្វល់ថាគេថាយើងអន់ មិនខ្វល់គេស្រលាញ់យើងឬអត់ តែយើងត្រូវច្បាស់ថាបានស្រលាញ់គេរួចហើយ លទ្ធផលបែបណាចាំគិតទៀត។ អរគុណការមើលងាយ អរគុណការឈឺចាប់ដែលជំរុញទឹកចិត្តអោយឈានមកដល់ចំនុចនេះ អ្នកចង់ធ្វើជាកូនឆ្មា ឬ ចង់ធ្វើជាកូនតោ គឺនៅលើខ្លួនយើងជាអ្នកកំណត់ពីអត្តសញ្ញាណខ្លួនឯង ។ ស៊ូ ស៊ូ បន្តដំណើរទៅមុខទៀត ទៅរកជោគជ័យធំជាងនេះទៀត។ចុងក្រោយបងចង់ប្រាប់ថា ៖ ដរាបណាអ្នកនៅមានកម្លាំងចិត្ត ចូរឆ្លាក់ជីវិតរបស់ខ្លួនឯងអោយបានល្អបំផុតនោះអ្នកនិងដឹងច្បាស់ពីខ្លួនឯងថាអ្នកមិនអន់ទេ។ #អោយកម្លាំងចិត្តខ្លួនឯងដើម្បីឆ្លាក់ជីវិតអោយល្អបំផុតព្រោះអ្នកមិនអន់ទេ»
ជាមួយនឹងការបង្ហោះសំនេរដ៏វែងអន្លាយនោះ ម្ចាស់បទចម្រៀង «យើងជាអ្នកស្រែត្រូវជឿអ្នកស្រែដូចគ្នា» បានភ្ជាប់មកជាមួយនឹងរូបថត៣សន្លឹក ដែលក្នុងនោះមានរូបលោក កញ្ញា ឈីន រតនៈ និងកញ្ញា ចំរើន សុភ័ក្ត្រ ឈរថតក្បែររថយន្តថ្មីសន្លាងម៉ាកល្បីដូចជា Peugeot 3008 2022, Hyundai Tucson 2022, និង Forthing 2022។
សូមចុចអាន – សាំងឡើងថ្លៃអត់បញ្ហា! ចំរើន សុភ័ក្ត្រ ស្វាគមន៍សមាជិកថ្មីចូលផ្ទះគឺរថយន្តខ្លាញ់គោតម្លៃជាង៣ម៉ឺនដុល្លារ
យោងតាមហាងឆេងរថយន្តស៊េរីទំនើបទាំងអស់នេះ មានតម្លៃខ្ពស់ដូចជា Forthing 2022 មានតម្លៃជាង៣ម៉ឺនដុល្លារ ចំណែករថយន្ត hyundai Tucson 2022 មានតម្លៃ ៥១,០០០ម៉ឺនដុល្លារ (នេះបើតាមការបង្ហោះរបស់ផេក hyundai-Cambodia) ខណៈដែលរថយន្តទំនើប Peugeot 3008 ឆ្នាំ ២០២២ មានតម្លៃលក់ចេញនៅលើ Khmer24 (វែបសាយខ្មែរ២៤) មានតម្លៃ ៦៧,០០០ដុល្លារអាមេរិក៕
ប្រភព៖ Nop Bayyareth
