អាមេរិក – តារាសម្ដែងហូលីវូដនាង Mila Kunis ដែលជាជនជាតិអ៊ុយក្រែន និងស្វាមី Ashton Kutcher បានប្រកាសបរិច្ចាគប្រាក់ផ្ទាល់ខ្លួនចំនួន ៣លានដុល្លារជួយដល់ប្រជាជនភៀសខ្លួនចេញពីអ៊ុយក្រែន។ មិនតែប៉ុណ្ណោះអ្នកទាំងពីរបានប្ដេជ្ញាចិត្តស្វែងរកជំនួយមនុស្សធម៌ដើម្បីជួយដល់ជនភៀសខ្លួនអ៊ុយក្រែនឱ្យបាន៣០លានដុល្លារ យ៉ាងណាមិញមកដល់ពេលនេះ អ្នកទាំងពីរទទួលបានជំនួយលើសពី ៣០លានដុល្លារដែលបានដាក់គោលដៅកំណត់ហើយ។
សូមចុចអាន – តារាសម្ដែង Mila Kunis និង Ashton Kutcher ដាក់គោលដៅស្វែងរកជំនួយ ៣០លានដុល្លារសម្រាប់ជនភៀសខ្លួនអ៊ុយក្រែន
ឈានមកដល់ថ្ងៃទី១៨ ខែមីនា ម្សិលមិញនេះសារព័ត៌មាន US Weekly បានចេញផ្សាយថា Ashton Kutcher និងភរិយា Mila Kunis បានចេញមកថ្លែងអំណរគុណអ្នកគាំទ្ររបស់ខ្លួននៅលើបណ្ដាញសង្គម Instagram កាលពីថ្ងៃទី១៧ ខែមីនា ព្រោះតែអ្នកទាំងអស់នោះបានជួយឱ្យមូលនិធិមនុស្សធម៌ ជួយសង្គ្រោះជនភៀសខ្លួនដែលរត់គេចពីការឈ្លានពាននិងរុករានចូលប្រទេសអ៊ុយក្រែនពីសំណាក់កងទ័ពរុស្សី រហូតបានចំនួនលើសពី៣០លានដុល្លារបានកំណត់គោលដៅទៅទៀត។
គូស្នេហ៍មួយគូនេះបានប្រកាសនៅ IG របស់ខ្លួនថាចំនួនទឹកប្រាក់ដ៏ច្រើននោះគឺបានការបរិចា្ចគពីមនុស្សជាង៦ម៉ឺននាក់ (៦៥០០នាក់)។ អ្នកទាំងពីរក៏ឆ្លៀតឱកាសថ្លែងអំណរគុណដែលជួយឱ្យការតាំងចិត្តរបស់គេឆាប់បានសម្រេចនិងដល់គោលដៅ៕
ប្រភព៖ weekly
