គិតត្រឹមពេលនេះពានរង្វាន់លីគកំពូលកម្ពុជា Cambodian Premier League 2022 ដំណើរការប្រកួតចំនួន១២ប្រកួតមកហើយ ក្នុងសប្ដាហ៍ទី៣ ខណៈក្រុមសមាជិកទាំង៨ បានទាត់បាល់បញ្ជូលទីគូប្រកួតសរុបចំនួន៤០គ្រាប់ ដោយថ្វីជើងកីឡាករ៣០នាក់ ក្នុងនោះកីឡាករ២រូបបានធ្វើឱ្យរបូតគ្រាប់បាល់ចូលទីខ្លួនឯងដោយអចេតនា (Own Goal)។
កីឡាករដែល Own Goal ចំនួន២រូបមាន ណារ៉ុង កក្កដា របស់ក្រុម Tiffy Army FC ពេលក្រុមខ្លួនចាញ់ណាហ្គាវើល ១ទល់០ លើទីលានកីឡដ្ឋាន ខ.ភ.ម របស់ខ្លួនក្នុងសប្ដាហ៍ទី៣ ហើយដូចគ្នានេះដែរគឺកីឡាករ ទូច ម៉ាណាន់ របស់ក្រុមគីរីវង់សុខសែនជ័យ បានធ្វើឱ្យ Own Goal ១គ្រាប់ ពេលចាញ់ក្រុមម្ចាស់ផ្ទះវិសាខា ក្នុងលទ្ធផលសរុប៥ទល់០។
ក្នុងចំណោមកីឡាករដែលទាត់បាល់បញ្ជូលទីទាំង៣០មាន៨នាក់រកគ្រាប់បាល់បានច្រើនជាងគេគឺ៖
-Marcus Haber ជនជាតិកាណាដា របស់ព្រះខ័នរាជស្វាយរៀង រកបាន៤គ្រាប់
-ម៉ាត់ ណូរ៉ុន ជនជាតិខ្មែរ របស់បឹងកេត រកបាន២គ្រាប់
-អ៊ីម សំអូន ជនជាតិខ្មែរ របស់គីរីវង់សុខសែនជ័យ រកបាន២គ្រាប់
-សារ៉េត គ្រីយ៉ា ជនជាតិខ្មែរ របស់ព្រះខ័នរាជស្វាយរៀង រកបាន២គ្រាប់
-Lee Jae Gun ជនជាតិកូរ៉េខាងត្បូង របស់វិសាខា រកបាន២គ្រាប់
-Jozsef Keaveny ជនជាតិអៀកឡង់ របស់អង្គរថាយហ្គឺរ រកបាន២គ្រាប់
-សុវណ្ណ ដូណា ជនជាតិខ្មែរ របស់អង្គរថាយហ្គឺរ រកបាន២គ្រាប់
-Fareed Sadat ជនជាតិអាហ្វហ្គានីស្ថាន របស់ភ្នំពេញក្រោន រកបាន២គ្រាប់