Friday, September 30 Login

ប្រធានាធិបតីអាមេរិកលោក Joe Biden បានសម្តែងការគាំទ្រចំពោះបទឈប់បាញ់គ្នាមួយបន្ទាប់ពីអំពើហិង្សារយៈពេល៨ថ្ងៃរវាងអ៊ីស្រាអែលនិងក្រុមសកម្មប្រយុទ្ធប៉ាឡេស្ទីននៅតំបន់ហ្គាហ្សា។

លោក Biden បានប្រាប់នាយករដ្ឋមន្រ្តីអ៊ីស្រាអែលលោក Benjamin Netanyahu ថាសហរដ្ឋអាមេរិកកំពុងធ្វើការជាមួយអេហ្ស៊ីបនិងប្រទេសដទៃទៀតលើការបញ្ឈប់អរិភាព។

ជម្លោះរវាងអ៊ីស្រាអែលនិងសកម្មប្រយុទ្ធប៉ាឡេស្ទីននៅតំបន់ហ្គាហ្សាបានចូលដល់សប្ដាហ៍ទី២ហើយដែលមានសញ្ញាណតិចតួចនៃការបញ្ចប់។

អំពើហិង្សាខាងលើនេះធ្វើឲ្យមនុស្សយ៉ាងតិច  ២១២នាក់ស្លាប់ក្នុងនោះមានកុមារចំនួន៦១នាក់បានស្លាប់និងនៅហ្គាហ្សា១០នាក់ក្នុងនោះមានកុមារ២នាក់នៅអ៊ីស្រាអែល។

អ៊ីស្រាអែលនិយាយថាភាគច្រើននៃអ្នកដែលត្រូវបានសម្លាប់នៅតំបន់ហ្គាហ្សាគឺជាពួកសកម្មប្រយុទ្ធហើយថាការស្លាប់របស់ជនស៊ីវិលណាមួយគឺដោយអចេតនា។ប៉ុន្តែក្រុមហាម៉ាសដែលជាក្រុមសកម្មប្រយុទ្ធដែលគ្រប់គ្រងទឹកដីបានជំទាស់រឿងនេះ។

យោងតាមសេចក្តីថ្លែងការណ៍របស់សេតវិមានលោក Biden បានលើកទឹកចិត្តអ៊ីស្រាអែលឱ្យខិតខំប្រឹងប្រែងដើម្បីធានាការការពារជនស៊ីវិលស្លូតត្រង់។

សេចក្តីថ្លែងការណ៍នោះបានបន្ថែមទៀតថាមេដឹកនាំទាំងពីរបានពិភាក្សាគ្នាពីវឌ្ឍនភាពនៅក្នុងប្រតិបត្តិការយោធារបស់អ៊ីស្រាអែលប្រឆាំងនឹងក្រុមហាម៉ាសនិងក្រុមភេរវករដទៃទៀតនៅក្នុងតំបន់ហ្គាហ្សា

ប្រធានាធិបតី Biden បានសម្តែងការគាំទ្រចំពោះបទឈប់បាញ់គ្នាមួយនិងពិភាក្សាអំពីការចូលរួមរបស់សហរដ្ឋអាមេរិកជាមួយអេហ្ស៊ីបនិងដៃគូដទៃទៀតឆ្ពោះទៅរកការបញ្ចប់នេះ៕ 

ប្រភព៖ BBC

Share.

Leave A Reply