តារាចម្រៀងវ័យក្មេងពូកែខ្យូតកញ្ញា សេន យូរី បានបញ្ចេញបទចម្រៀងថ្មី ដែលបទនេះមានការចាប់អារម្មណ៍ច្រើនព្រោះទាំងចង្វាក់រាំនិងការតុបតែងខ្លួនចាត់ទុកថាប្លែកព្រោះប្រើប្រាស់សារ៉ុងយកមកស្លៀករាំ ជាពិសេសបទភ្លេងនិងក្បាច់រាំក៏ទាក់ទាញមិនធម្មតាដែរ។
នៅសល់មិនដល់មួយខែទៀតទេ ពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំខាល ចត្វាស័កនឹងចូលមកដល់ហើយដូច្នេះផលិតកម្មនានា និងតារាចម្រៀងជាច្រើនរូបបានបញ្ចេញវីដេអូខ្លី វីដេអូរាំ ដើម្បីប្រូម៉ូតបទចម្រៀងសម្រាប់អបអរសាទរបុណ្យចូលឆ្នាំរៀងៗខ្លួនយ៉ាងគគ្រឹកគ្រេងលើបណ្ដាញសង្គម។
បទចម្រៀងកន្ត្រាក់អារម្មណ៍និងចង្វាក់រាំសប្បាយៗរបស់កញ្ញា យូរី តែងតែត្រូវបានអ្នកគាំទ្រទស្សនានិងយកទៅរាំតាមជានិច្ច យ៉ាងណាមិញតារាចម្រៀងរូបស្រស់ម្នាក់នេះបានបញ្ចេញវីដេអូ Dance Version លក្ខណៈជនបទបទ រាំតោង នៅលើផេករបស់ខ្លួន ហើយទទួលបានការសាទរច្រើនពីហ្វេនៗរបស់កញ្ញា។
បទចម្រៀង «រាំតោង» របស់ យូរី (Yuri) ដែលបានបង្ហោះកាលពីថ្ងៃទី២២ ខែមីនា ម្សិលមិញនេះ ពិតជាបានទទួលការសាទរច្រើនយ៉ាងពិតប្រាកដមែន បើសង្កេតនៅលើផេកផ្ទាល់ខ្លួនរបស់កញ្ញាគិតត្រឹមថ្ងៃត្រង់ថ្ងៃទី២៣ ខែមីនា ឆ្នាំ២០២២ មានចំនួន Like ២៤K , View ចំនួនជាង១៧០K និង Comments សរសើរបទកញ្ញាជិត៣០០ឯណោះ៕
ប្រភព៖ Yuri Zen សេន យូរី
