មហាជនពិតជាភ្ញាក់មិនតិចនោះទេ នៅពេលបានឃើញរូបភាពបែកធ្លាយនៃពិធីភ្ជាប់ពាក្យរបស់លោក ឌួង ឆាយនិងនារីក្មេងខ្ចីម្នាក់ថែមទាំងស្រស់ស្អាតឈ្មោះ ហ៊ ម៉ីលិ នាព្រឹកថ្ងៃទី២៤ ខែមីនា ឆ្នាំ២០២២នេះ។
បន្ទាប់ពីទំនាស់រវាងលោក ឌួង ឆាយ និងអតីតភរិយា នាង ដេត ម៉ាលីណា ហាក់ស្ងប់ស្ងាត់មិនមានបន្តភាគលើបណ្ដាញសង្គមទៀតនោះ ស្រាប់តែបែកធ្លាយដំណឹងនៃពិធីភ្ជាប់អតីតឧកញ៉ារូបនេះជាមួយនឹងអនាគតភរិយាដែលជានារីវ័យក្មេងនិងស្រស់សោភាមួយរូបថែមទៀតផង។
តាមរយៈរូបភាពបែកធ្លាយចេញមកខាងក្រៅនោះបានបង្ហាញឱ្យឃើញភាគីគ្រួសារលោក ឌួង ឆាយ និងគ្រួសារកញ្ញា ហ៊ ម៉ីលិ កំពុងអង្គុយជួបជុំគ្នាក្នុងពិធីពិសាស្លាដក់ និង កន្សែង (ពិធីភ្ជាប់ពាក្យ) តាមប្រពៃណីខ្មែរ ចំនួន២សន្លឹកបានបង្ហោះចែកចាយលើបណ្ដាញសង្គម។
អ្នកគាំទ្រដែលស្រលាញ់និងចូលចិត្តលោក ឌួង ឆាយ ពិសេសចង់ឃើញលោកចាកចេញពីអតីតកាលដ៏សែនឈឺចាប់ហើយកសាងជីវិតថ្មី និងគ្រួសារថ្មីនោះ បានចូលមកអបអរសាទរនិងសម្ដែងក្ដីរំភើបរីករាយជាមួយនឹងអនាគតស្វាមីភរិយានាពេលអនាគតមួយគូនេះ ដោយជូនពរឱ្យអ្នកទាំងពីរស្រលាញ់គ្នាកាន់តែខ្លាំង មានសេចក្ដីសុខនិងសុភមង្គលក្នុងគ្រួសារ៕
សូមទស្សនារូបភាពខាងក្រោមនេះ៖
