បាត់ដមបង៖ នគរបាលឃាត់ខ្លួនបុរសម្នាក់ដែលតែងតែបង្កហិង្សាលើប្រពន្ធ នៅក្រុបាត់ដំបង កាលពីថ្ងៃទី ២៦ខែមីនា ឆ្នាំ២០២២។ នេះបើយោងតាមផែនការងារធនធានមនុស្ស ស្នងការដ្ឋាននគរបាលខេត្តបាត់ដំបង បានចេញផ្សាយ។
លោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង បានដឹកនាំកម្លាំង ផ្នែកជំនាញធ្វើការឃាត់ខ្លួន ជនសង្ស័យ០១នាក់មកធ្វើការសាកសួរនៅអធិការដ្ឋាននគរបាលក្រុងបាត់ដំបង បន្ទាប់ពីបង្កហិង្សាវាយដំប្រពន្ធជាច្រើនសារ។
ជនសង្ស័យមានឈ្មោះ ពេជ្រ សុវណ្ណមុនី ភេទប្រុស អាយុ ៣៨ឆ្នាំ មានទីលំនៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
តាមនគរបាលបានឲ្យដឹងថា ការឃាត់ខ្លួនជនសង្ស័យនេះ បន្ទាប់ពីទទួលបានពាក្យបណ្តឹងពីជនរងគ្រោះ ឈ្មោះ ឡាដាំង គីមឡាង ភេទស្រី អាយុ២១ ឆ្នាំ មានទីលំនៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង បណ្តាលឱ្យជនរងគ្រោះរងរបួសលើផ្ទៃមុខយ៉ាងដំណំ។
ក្រោយឃាត់ខ្លួនជនសង្ស័យបានឆ្លើយសារភាពថា រូបគេពិតជាបានវាយជនរងគ្រោះពិតប្រាកដមែន ហើយនេះក៏ជាលើកទី០២ហើយដែលខ្លួនប្រព្រឹត្តទង្វើបែបនេះ។បច្ចុប្បន្នជនសង្ស័យត្រូវបាននគរបាលក្រុងបាត់ដំបងបានរៀបចំសំ ណុំរឿងបញ្ជូនទៅការិយាល័យជំនាញដើម្បីអនុវត្តតាមផ្លូវច្បាប់៕
