ដំណឹងវាស់កម្ពស់គ្រូតឿឆីអាចម៍គោពិតជារឿងដែលមហាជនមានការចាប់អារម្មណ៍និងផ្ដោតការយកចិត្តទុកដាក់តាមដានយ៉ាងខ្លាំង ពុំនោះសោតមិនមែនសូម្បីតែឧកញ៉ា ហ៊ុន ជា ក៏មិនអាចនៅស្ងៀមដែរ ដោយលោកបានលើកយករឿងនេះមកប្រៀបធៀបនឹងរឿងបារមីស្ដេចនាគចូលដែលធ្លាប់ល្បីកក្រើកនិងមានការរិះគន់ចាស់ដៃពីមហាជននាពេលកន្លងមកនោះទេ។
សូមចុចអាន – អតីតម្ចាស់ពានប៉ុស្តិ៍ហង្សមាស យឿន ពិសី មិនអស់ចិត្តរឿងចាប់គ្រូតឿឆីអាចម៍គោវាស់កម្ពស់ ចេញមកអំពាវនាវថា…!
ឧកញ៉ា ហ៊ុន ជា បានចេញមកបង្ហាញពីទស្សនៈផ្ទាល់ខ្លួនពាក់ព័ន្ធទៅនឹងរឿងដែលលោកគ្រូតឿត្រូវបានសមត្ថកិច្ចហៅទៅវាស់កម្ពស់នាថ្ងៃទី៥ ខែមេសា ឆ្នាំ២០២២នេះ នៅលើបណ្ដាញទំនាក់ទំនងសង្គមហ្វេសប៊ុក។ យោងតាមសាររបស់លោកឧកញ៉ា ហ៊ុន ជា បានបង្ហាញឱ្យឃើញថាលោកចង់ឱ្យមានចំណាត់ការណាមួយចំពោះបារមីនាគចូល ដែលលោកហៅថាជាការបំពុលសង្គមនោះ ជាជាងចាប់លោកគ្រូតឿដែលសម្ដែងរបៀបឡប់ៗដោយសារតែចង់បាន Like និង Share ប៉ុណ្ណោះ។
នេះគឺជាការលើកឡើងទាំងស្រុងរបស់លោក ឧកញ៉ា ហ៊ុន ជា នៅលើ Facebook ៖ «គ្នាសម្ដែងរបៀបឡប់ៗចង់បានឡាចនិងស៊ែយកគ្នាទៅវាស់កំពស់ ចុះពួកនាគចូលមិនហ៊ានហែលទឹក បំពុលសង្គមគេជេរពេញប្រទេសបែរជាដេកស៊ីការ៉េមធ្វើមិនដឹង។ ក្រោមមេឃតែ១ តែលុយមិនដល់គឺចឹងហើយអាតឿ កុំតូចចិត្តអី។ (ហាមយកទៅថែមគ្រឿងបាទ)»
ថ្វីត្បិតតែលោកឧកញ៉ា លើកឡើងខ្លីៗបែបនេះក៏ពិតមែន ប៉ុន្តែមហាជនបានបង្ហាញមតិយល់ស្របចំពោះទស្សនៈរបស់លោកឧកញ៉ា ដោយភាគច្រើននៅខាងក្រោម Status របស់លោកឧកញ៉ាសុទ្ធតែជាមតិគាំទ្រទាំងស្រុង។
ទាំងនេះសុទ្ធតែជាមតិគាំទ្រខ្លះៗរបស់មហាជនចំពោះការលើកឡើងរបស់លោក ឧកញ៉ា ហ៊ុន ជា៖ «គ្រាន់តែគ្នាសម្តែងបែបកំប្លែងដើម្បីឱ្យបងប្អូនបានមើលសើចសប្បាយគ្រាន់កែការអផ្សុកក៏ចាប់ទោសអូសដំណើរគ្នាដែរ អ្នកណាៗក៏គេដឹងថាក្រុមនេះធ្វើសម្តែងដែរ តែគេនៅចូលមើលព្រោះបានសើចសប្បាយបន្ធូរអារម្មណ៍ក្រោយពីធ្វើការហត់នឿយ។», «ត្រឹមត្រូវណាស់ឯកឧត្តមគាត់មិនមានបំណងមិនល្អទេ ហើយមិនបានសុំលុយ រឺឡាយលក់យ័នដែរ តែផ្ទុយទៅវិញគ្រាន់តែធ្វើអោយគេសើចតែប៉ុណ្ណោះ ។ ឯអ្នកបារមីនាគប្រកាច់ចាប់មិនឈ្នះ គួសារ៉េយកទាំងនាគមកសួរចម្លើយបានត្រូវ», «មែននឹងលោកពូ នាក់ធ្វើអោយសប្បាយ នឹងបំពុលសង្គមវាសនា ខុសគ្នា», «បាទបងមកពីនាគអត់ចេះសុីអំបិលម្ទេស នាគចេះសុីតែការ៉េម»៕
ប្រភព៖ ហ៊ុន ជា Hun Chea
