ក្រុមបាល់ទាត់ Sarawak United ដែលជាទ្រនំថ្មីរបស់ខ្សែបម្រើសការពារ កុក បូរីស អតីតសមាជិកក្រុមជម្រើសជាតិកម្ពុជា បានប្រកួតស្មើជាមួយក្រុម Penang FA ក្នុងលទ្ធផល ១-១ សប្ដាហ៍ទី៣ នៃលីគកំពូលរបស់ប្រទេសម៉ាឡេសុី Liga Super Malaysia 2022។
១គ្រាប់តាមស្មើចុងម៉ោងរបស់ខ្សែបម្រើការពារ កុក បូរីស នៅនាទី៨៣ និងជាគ្រាប់បាល់ទី២របស់គេសម្រាប់ការបង្ហាញខ្លួន៤លើកឲ្យក្រុម Sarawak United គិតគ្រប់កម្មវិធីក្នុងនាមជាកីឡាករខ្ចីជើងពីក្រុមភ្នំពេញក្រោន ដើមរដូវកាលឆ្នាំ២០២២នេះ។
បច្ចុប្បន្ន Sarawak United កំពុងស្ថិតនៅលេខរៀងទី១០ ក្នុងចំណោម១២ក្រុម ដោយមានត្រឹមតែ១ពិន្ទុប៉ុណ្ណោះក្នុងដៃ ពីការលេង៣ប្រកួត ស្មើ១ និងចាញ់២ មិនដែលឈ្នះម្តងសោះឡើយ៕