ម្ចាស់ផ្ទះវៀតណាម បានរៀបចំពិធីចាប់ឆ្នោតជ្រើសរើសពូលសម្រាប់បាល់ទាត់បុរស-នារី និងហ្វូតសាលបុរស-នារី ក្នុងព្រឹត្តិការណ៍កីឡាស៊ីហ្គេមលើកទី៣១ ឆ្នាំ២០២១ នាព្រឹកថ្ងៃពុធ ទី៦ ខែមេសា ឆ្នាំ២០២២ ក្នុងរដ្ឋធានីហាណូយ រួចរាល់ហើយ ខណៈកម្ពុជា បានបញ្ជូនបាល់ទាត់បុរស និងបាល់ទាត់នារី ទៅចូលរួមដណ្តើមមេដាយ។
សម្រាប់បាល់ទាត់នារី ចែកជា២ពូលមាន៖
-ពូល A មានវៀតណាម,ហ្វីលីពីន,កម្ពុជា និងឥណ្ឌូណេស៊ី
-ពូល B មានថៃ,មីយ៉ាន់ម៉ា, ឡាវ និងសិង្ហបុរី
សម្រាប់ប្រកួតបើកឆាកមាន៖
ពូល A ថ្ងៃទី៩ ខែឧសភា ឆ្នាំ២០២២
-ហ្វីលីពីន ប៉ះ កម្ពុជា
-វៀតណាម ប៉ះ ឥណ្ឌូណេស៊ី
ពូល B ថ្ងៃទី១០ ខែឧសភា ឆ្នាំ២០២២
-មីយ៉ាន់ម៉ា ប៉ះ ឡាវ
-ថៃ ប៉ះ សិង្ហបុរី
ចំណែកបាល់ទាត់បុរស វិញមាន៖
-ពូល A មានវៀតណាម, ឥណ្ឌូណេស៊ី, មីយ៉ាន់ម៉ា, ហ្វីលីពីន,ទីម័រខាងកើត
-ពូល B មាន ថៃ, ម៉ាឡេស៊ី, កម្ពុជា, សិង្ហបុរី, ឡាវ
សម្រាប់ប្រកួតបើកឆាកមាន៖
ពូល A ថ្ងៃទី៦ ខែឧសភា ឆ្នាំ២០២២
-ហ្វីលីពីន ប៉ះ ទីម័រខាងកើត
-វៀតណាម ប៉ះ ឥណ្ឌូណេស៊ី
ពូល B នៅថ្ងៃទី៧ ខែឧសភា ឆ្នាំ២០២២
-សិង្ហបុរី ប៉ះ ឡាវ
-ថៃ ប៉ះ ម៉ាឡេស៊ី
ដោយឡែកកម្ពុជា ត្រូវសម្រាកក្នុងប្រកួតដំបូង ហើយជួបក្រុមឡាវ នៅថ្ងៃទី៩ ខែឧសភា ឆ្នាំ២០២២ ក្នុងវគ្គ B។
សូមបញ្ជាក់ថាព្រឹត្តិការណ៍កីឡាស៊ីហ្គេមលើកទី៣១ឆ្នាំ២០២១ គ្រោងរៀបចំឡើងនៅចន្លោះថ្ងៃទី១២ ដល់២៣ ខែឧសភា ឆ្នាំ២០២២ ដោយមានប្រទេសក្នុងតំបន់ចំនួន១១ ត្រៀមបញ្ជូលអត្តពលិកសរុបប្រមាណជាង៧០០០នាក់ ចូលរួមប្រកួតប្រជែងលើ៤០ប្រភេទកីឡា ដែលសរុបចំនួន៥២៦វិញ្ញាសា៕
