ច្បាស់ការហើយ! អ្នកដឹកនាំបញ្ជាក់ថាតួអង្គ Front Man និងតួ....នឹងត្រលប់មកបង្ហាញវត្តមានក្នុងវគ្គ២

កូរ៉េខាងត្បូង – អ្នកដឹកនាំភាពយន្តល្បី Hwang Dong Hyuk ដែលបានបញ្ចេញស្នាដៃដ៏ល្បីល្បាញ «Squid Game» នៅលើ App Netflix បានបង្ហើបឱ្យដឹងថាតួអង្គសំខាន់ចំនួនពីរនឹងត្រលប់មកវិញសម្រាប់រដូវកាលទីពីរនៃរឿងភាគនេះ។

កាលពីពេលថ្មីៗនេះយោងតាមការផ្សាយពីសារព័ត៌មានអាមេរិក Deadline អ្នកដឹកនាំរូបនេះបានលើកឡើងថា៖
«Gi Hun ប្រាកដជាមកវិញ។ គាត់នឹងត្រលប់មកវិញហើយខ្ញុំជឿថាតួអង្គ Front Man ក៏នឹងត្រលប់មកវិញដូចគ្នាដែរ»

សម្រាប់តួអង្គ Sung Gi Hun គឺសម្ដែងដោយ Lee Jung Jae ចំណែកតួអង្គ Front Man គឺសម្ដែងដោយ Lee Byung hun ដូច្នេះបានសេចក្ដីថាកំពូល Super Star ទាំងពីរដួងនេះនឹងវិលត្រលប់មករួមសម្ដែងក្នុងរដូវកាលទីពីរនៃ «Squid Game»។ នេះគឺជាលើកទីមួយហើយដែលផលិតករបានបញ្ជាក់អះអាងចេញពីមាត់របស់លោកចំពោះការវិលត្រលប់មកសម្ដែងវិញនៃតួអង្គចាស់ៗនៅក្នុងវគ្គទីមួយជាសាធារណៈបែបនេះ។

នៅក្នុងការឆ្លើយតបនោះដែរ Hwang Dong Hyuk ក៏បានព្រលយដែរថាអាចនឹងមានការវិលត្រលប់របស់បងប្អូនស្រីភ្លោះរបស់ Jung Ho Yeon ក៏ថាបាន។

ជាចុងក្រោយលោក Hwang Dong Hyuk បាននិយាយថា៖ «ក្ដីសង្ឃឹមរបស់ខ្ញុំគឺសង្ឃឹមថារឿង Squid Game នឹងជួយបើកទ្វារ ហើយខ្ញុំក៏សង្ឃឹមដែរថាអ្នកទស្សនាអាមេរិកនឹងផ្ដល់ឱកាសដល់រឿងនេះដោយទស្សនាតាមរយៈការអាន Subtitle និងទស្សនាដោយមិនចាំបាច់បញ្ចូលសំឡេង។ ខ្ញុំសង្ឃឹមថាពួកយើងនឹងបើកឱកាសនេះ»

តាមដឹងក្រុមផលិតកំពុងតែពន្លឿនការងារផលិតដើម្បីធ្វើយ៉ាងណាអាចបញ្ចាំងវគ្គទីពីរនៅចុងឆ្នាំ២០២៤ខាងមុខ៕

ប្រភព៖ Allkpop

អត្ថបទទាក់ទង៖

ច្បាស់ការហើយ! អ្នកដឹកនាំបញ្ជាក់ថាតួអង្គ Front Man និងតួ….នឹងត្រលប់មកបង្ហាញវត្តមានក្នុងវគ្គ២

បុគ្គលល្បី Santakh ទទួលស្គាល់កំហុសនិងចងចាំអស់មួយជីវិតថា ខ្លួនគ្មានការអប់រំ បន្ទាប់ពីថតបង្ហោះរូបភាពអសីលធម៌

អត្ថបទពាក់ព័ន្ធ