ក្រោយឈប់សោកសៅដោយសារតែបាត់បង់កូនសម្លាញ់ស្មើជីវិតនោះ តារាចម្រៀងប្រចាំផលិតកម្ម សាន់ដេ អ្នកនាង វិរៈ និច្ច បានចេញមកប្រូម៉ូដផ្សព្វផ្សាយបទចម្រៀងថ្មី «គីឡូអភិជន» របស់ខ្លួននៅផលិតកម្ម សាន់ដេ ដែលជាបទចម្រៀងថ្មីមានចង្វាក់រាំសប្បាយស័ក្ដិសមនឹងបរិយាកាសចូលឆ្នាំថ្មីប្រពៃណីខ្មែរ។
កាន់តែខិតជិតដល់ថ្ងៃចូលឆ្នាំថ្មីប្រពៃណីខ្មែរ មហាសង្ក្រាន្ត ឆ្នាំខាល ២០២២ គ្រប់ផលិតកម្ម ក៏ដូចជាតារាចម្រៀងនានា បានព្យាយាមប្រូម៉ូដផ្សព្វផ្សាយបតចម្រៀងរបស់ខ្លួនឱ្យទាន់ពេលទាន់វេលាត្រូវនឹងបរិយាកាសសម្រាកលម្ហែ ក្នុងនោះតារាចម្រៀងប្រចាំផលិតកម្ម សាន់ដេ អ្នកនាង វិរៈ និច្ច ដែលទើបតែសោកសៅព្រោះបាត់បង់កូនសម្លាញ់ស្មើជីវិត ក៏បានចេញមករាំ Cover បទចម្រៀងរបស់ខ្លួនកាលពីថ្ងៃទី៩ ខែមេសា ឆ្នាំ២០២២ ហើយទទួលបានការគាំទ្រនិងសរសើរយ៉ាងច្រើនពីហ្វេនៗផងដែរ។
Dance Cover បទចម្រៀង «គីឡូអភិជន» របស់ វិរៈ និច្ច គិតមកត្រឹមថ្ងៃទី១២ ខែមេសា វេលាថ្ងៃត្រង់នេះ មានចំនួនចុច Like ជាង ៤៩K (ប្រមាណ៤ម៉ឺន៩ពាន់គណនី) ចុចចែករំលែក Share ១.៩K (ប្រមាណជិត ២ពាន់គណនី) ដោយឡែកនៅលើឆាណែលយូធូបរបស់ផលិតកម្មសាន់ដេ ក៏មានការគាំទ្រទស្សនាច្រើនរហូតជិត ៧ម៉ឺនដងផងដែរ។
យោងតាមការខមមិនរបស់ហ្វេនៗឃើញថា សុទ្ធតែស្ថិតលើផ្លូវវិជ្ជមានទាំងអស់ ដែលនេះអាចធ្វើឱ្យសាមីខ្លួនម្ចាស់បទ អាចញញឹមនិងរីករាយបានហើយ ក្នុងកំឡុងពេលចូលឆ្នាំនេះ ព្រោះបទចម្រៀងរបស់ និច្ច ទទួលបានការគាំទ្រគួរឱ្យកត់សម្គាល់៕
ចង់ដឹងថាបទចម្រៀង «គីឡូអភិជន» ពីរោះយ៉ាងណានោះសូមទស្សនាខាងក្រោម៖
ទស្សនា Dance Cover បទចម្រៀង «គីឡូអភិជន» ដើម្បីចេះរាំតាម ខាងក្រោម៖
