តារាចម្រៀងដ៏ល្បីនិងឈរជួរមុខរបស់ថៃកញ្ញា Yaya Urassaya និងបងស្រីបង្កើតរបស់ខ្លួនបានរួមគំនិតគ្នាលួចទិញផ្ទះមួយខ្នងតម្លៃ១០លានបាត (ប្រមាណជិត៣០ម៉ឺនដុល្លារ) នៅប្រទេស ន័រវែស ដើម្បី Surprise ម្ដាយក្នុងថ្ងៃខួបកំណើតដោយសារតែម្ដាយចង់បានផ្ទះមើលកាំជ្រួច។
សម្រាប់កូនៗ តែងតែសង្ឃឹមចង់ឱ្យឪពុកម្ដាយមានសេចក្ដីសុខ មានផ្ទះស្អាតៗ មានសុខភាពរឹងមាំ ដូចគ្នានោះដែរ Yaya ដែលជាកូនស្រីកតញ្ញូបានតបស្នងគុណូបការៈរបស់អ្នកមានគុណដែលបានចិញ្ចឹមបីបាច់ដោយការទិញផ្ទះនៅប្រទេស ន័រវែស ជូនជាកាដូខួបកំណើត។
តារារូបនេះបានចេញមកចែករំលែករឿងរ៉ាវរីករាយនេះថា ការដែលខ្លួននិងបងស្រីទិញផ្ទះនេះព្រោះអ្នកម្ដាយបាននិយាយលេងៗរាល់ៗឆ្នាំៗថាបើសិនជាត្រូវឆ្នោតរង្វាន់ទីពីរ អ្នកម្ដាយនឹងទិញផ្ទះមួយខ្នងនេះប្រើជាធម្មតាអ្នកម្ដាយមកឈរមើលកាំជ្រួចនោថ្ងៃដាច់ឆ្នាំចាស់ផ្លាស់ចូលឆ្នាំថ្មី ដោយសភាពរងាញ័រញាក់។ Yaya បានបន្ថែមថានៅពេលម្ដាយរបស់ខ្លួននិយាយដូច្នេះក៏កើតមានគំនិតចង់ទិញផ្ទះឱ្យម្ដាយរបស់ខ្លួនទើបឱ្យពូរបស់ខ្លួនជួយសាកសួរអ្នកគួកជេរផ្ទះ បើសិនមានគេលក់ផ្ទះម្ដុំនេះ ឱ្យប្រញាប់ប្រាប់មកខ្លួនផង។
ទីបំផុត២ឆ្នាំមុនផ្ទះម្ដុំនោះមានម្ចាស់ចង់លក់ Yaya និងបងស្រីក៏បានសម្រេចក្ដីប្រាថ្នាដោយទិញផ្ទះនោះរួចយកសោរមកប្រគល់ឱ្យម្ដាយ ព្រមទាំងនិយាយថា «Happy Birthday ម៉ាក់»។
បើតាមការបង្ហោះចែករំលែករបស់អ្នកម្ដាយ Yaya លើបណ្ដាញសង្គមផ្ទះដែលទិញនោះជាផ្ទះមានទេសភាពស្អាតខ្លាំងណាស់ ព្រោះនៅជាប់មាត់សមុទ្រក្បែរកំពង់ទូក អាចមើលទៅឆ្ងាយផុតកន្ទុយភ្នែក ដោយក្នុងនោះមិត្តសម្លាញ់ Margie Rasri ក៏បានចូលមកសរសើរដែរថា អ្នកម្ដាយរបស់ Yaya ត្រូវឆ្នោតរង្វាន់ទីមួយតាំងតែពរពោះកើតបានកូនស្រីគួរឱ្យស្រលាញ់ទាំងពីរអ្នក ចំណែកកូនៗក៏ត្រូវរង្វាន់ធំទីមួយដូចគ្នាដែលមានអ្នកម្ដាយគួរឱ្យស្រលាញ់៕
ប្រភព៖ Kapook