វៀតណាម – បុរសកែភេទដែលចូលរួមប្រកួតកម្មវិធីបវរកញ្ញាចក្រវាឡវៀតណាម ឆ្នាំ២០២២នេះ បានជាប់ចូល Top71 នៃកម្មវិធី ត្រូវបានសាធារណជននិងអ្នកគាំទ្រសរសើរចំពោះរូបសម្រស់និងដងខ្លួនស្អាតស្រឡូនដូចជាមនុស្សស្រីរបស់នាង។
យោងតាមលោក Tran Viet Bao Hoang ដែលជាអនុប្រធានអចិន្ត្រៃយ៍រៀបចំការប្រកួតនេះបានលើកឡើងថា Do Nhat Ha គឺជាបុរសកែភេទជាស្ត្រី ប៉ុន្តែនៅក្នុងឯកសារផ្លូវការលោកនៅតែជាមនុស្សប្រុសដដែល។ បើតាមច្បាប់ប្រកួតទាំងក្នុងប្រទេសវៀតណាមនិងអន្តរជាតិ គឺមិនទាន់ទទួលស្គាល់ករណីនេះនៅឡើយទេ។ ដូច្នេះបុរសកែភេទរូបនេះចូលរួមក្នុងនាមជាភ្ញៀវកិត្តិយសពិសេសនៃកម្មវិធី មិនមែនជាបេក្ខជនប្រកួតនោះឡើយ។
Do Nhat Ha នឹងមិនបានចូលប្រកួតក្នុងវគ្គ To10, Top5 ឬកម្មវិធីប្រកួតជា Miss Runner Up អ្វីនោះទេ ប៉ុន្តែស្រ្តីក្លែងភេទរូបនេះមានឱកាសបានចូលដល់វគ្គ Top41 បើសិនជាកញ្ញាបានឈ្នះកម្មវិធី Reality Show។ សម្រាប់បេក្ខនារីទាំងអស់អាចចូលដល់ក្នុងវគ្គ Top16 បើសិនជាបានទទួលការបោះឆ្នោតច្រើនពីអ្នកទស្សនា។
Do Nhat Ha វ័យ២៦ឆ្នាំ កើតនៅ Do Nhat Tan បានបញ្ចប់ការសិក្សាផ្នែកគ្រប់គ្រងធនាគារនាសកលវិទ្យាល័យ Hoa Sen University។ កាលពីអាយុបាន២០ឆ្នាំ Nhat Tan ចាប់ផ្ដើមទុកសក់វែង ហើយចាក់អ័រម៉ូនមនុស្សស្រី ដោយបានធ្វើដំណើរទៅប្រទេសថៃដើម្បីធ្វើការវះកាត់កែភេទ។
កាលពីឆ្នាំ ២០១៨ You Cwin Win ដែលជាកញ្ញា Tiffany Vietnam 2018 បានក្លាយជាបេក្ខជនតំណាងប្រទេសវៀតណាមប្រកួតកម្មវិធី Miss Transgender International 2019 ហើយបានជាប់ដល់ Top6 វគ្គចុងក្រោយ។ ស្ត្រីក្លែងភេទជាប់ជ័យលាភីរូបនេះស្ទាត់ជំនាញភាសាអង់គ្លេសនិងភាសាកូរ៉េ។
នៅលើបណ្ដាញ Social Media អ្នកលេងអ៊ិនធឺណិតបានសរសើរ Nhat Ha ចំពោះសម្រស់ស្អាតនិងប្រៀបដូចជាមនុស្សស្រីសុទ្ធ។ នៅក្នុងការឆ្លើយតបសំនួរក្នុងការប្រកួត Miss Universe Vietnam Nhat Ha បាននិយាយថាខ្លួនចូលរួមក្នុងកម្មវិធី Miss Universe ដើម្បីបង្ហាញពីខ្លួនឯង ជាពិសេសគឺជាសំឡេងមួយសម្រាប់ ជួយផ្សព្វផ្សាយចំពោះក្រុមមនុស្ស LGBT ផងដែរ៕
ប្រភព៖ vnexpress