តារាចម្រៀងរូបសង្ហាលោក ណុប សម្បត្តិពុទ្ធិរ័ត្ន ហៅ នីកូ បានធ្វើឱ្យទាំងអ្នកគាំទ្រ ក៏ដូចជាមិត្តសិល្បករបារម្ភមិនតិចនោះទេ នៅពេលដែលឃើញលោកដួលទាំងជំហរពេលកំពុងតែថតកម្មវិធី GATSBY IDOL Ep5។
រូបភាពវីដេអូដួលសន្លប់របស់លោក នីកូ នេះត្រូវបានសាមីខ្លួនបង្ហោះចែករំលែកនៅលើផេករបស់លោកដែលមានឈ្មោះថា Nico mrcookies កាលពីយប់ថ្ងៃអង្គារទី១៩ ខែមេសា ឆ្នាំ២០២២ កន្លងទៅនេះ។ វីដេអូខ្លីនេះគឺដកស្រង់ចេញពីកម្មវិធី GATSBY IDOL ដែលជាកម្មវិធីមួយស្វែងរកតារាចំណូលថ្មីជាធនធានមួយសម្រាប់វិស័យសិល្បៈកម្ពុជា។
តារារូបនេះបានបង្ហោះវីដេអូខណៈកំពុងតែថតកម្មវិធី GATSBY IDOL ហើយលោក នីកូ ស្រាប់តែងងឹតមុខដួលទាំងជំហរ។ លោកបានលើកឡើងនៅក្នុងវីដេអូនោះថា៖
«GATSBY IDOL ep5 សប្តាហ៍នេះ កំហុសអ្នកណា? ខ្ញុំថតទាំងឈឺ រឺឈឺហេីយនៅតែថត ? កាពិតខ្ញុំដួលសន្លប់ក្នុងពេលកំពុងថតកម្មវិធីហ្គេតប៊ីអាយដលវគ្គ5 ព្រោះខ្ញុំប្រេីអារម្មណ៏ខ្លាំងពេក!»
ក្រោយលោកបានបង្ហោះចែករំលែកវីដេអូខ្លួនដួលទាំងជំហរបែបនេះ មិត្តសិល្បករ និងអ្នកគាំទ្របានបង្ហាញក្ដីបារម្ភយ៉ាងខ្លាំងចំពោះសុខភាពរបស់លោក ថែមទាំងសុំឱ្យលោកថែទាំសុខភាពខ្លួនឱ្យបានល្អប្រសើរ និងជូនពរឱ្យលោកឆាប់មានកម្លាំងមាំមួនឡើងវិញផងដែរ៕
ទស្សនាវីដេអូដួលទាំងជំហររបស់លោក នីកូ ខាងក្រោមនេះ
ប្រភព៖ Facebook Nico mrcookies
អត្ថបទទាក់ទង