យោងតាម Page: Miss Universe Predictions បានផ្សាយនាមុននេះបន្តិចថា បវរកញ្ញាចក្រវាឡអាហ្វ្រិកខាងត្បូងយំនៅក្នុងការ Live មួយរបស់ខ្លួនព្រោះតែការធ្លាក់មិនចូលក្នុងជម្រើស Miss Universe សូម្បីត្រឹមវគ្គពាក់កណ្ដាលផ្ដាច់ព្រ័ត្រធ្វើឱ្យប៉ះពាល់ដល់នាងនិងរងសម្ពាធយ៉ាងខ្លាំង។
បវរកញ្ញាអាហ្វ្រិកខាងត្បូងកញ្ញា Natasha Joubert គឺជាបេក្ខនារីមួយរូបដែលមានអ្នកគាំទ្រពីបណ្ដាប្រទេសពេញនិយមខ្លាំងបំផុតក្នុងចំណោមបេក្ខនារីទាំងអស់ ហើយក៏ជាបេក្ខនារីដែលត្រូវបានជឿជាក់ថានឹងក្លាយជាម្ចាស់មកុដ Miss Universe ឆ្នាំ២០២០ រហូតដល់ ៩០ភាគរយ តាមរយៈការមើលឃើញរបស់អ្នកគាំទ្រ។
សម្រាប់បវរកញ្ញា អាហ្វ្រិកខាងត្បូងគឺជាបេក្ខនារីមួយរូបដែលបានទទួលបានការស្រលាញ់និងជាទីចងចាំរបស់អ្នកគាំទ្រថាជាបេក្ខនារីម្នាក់ដែលព្យាយាមលះបង់គ្រប់យ៉ាងដើម្បីការប្រកួតមួយនេះ តែគួរឱ្យសោកស្ដាយដែលសំណាងបែរជាមិននៅខាងនាងធ្វើឱ្យនាងមិនបានចូលដល់វគ្គ Top21 ។
សូមរំលឹកឡើងវិញថា កញ្ញា Natasha Joubert បវរកញ្ញាប្រទេសអាហ្វ្រិកខាងត្បូងឆ្នាំ២០២០ គឺជា Fashion Designer និងជាសហគ្រិនមួយរូបដែលបង្កើតជាក្រុមហ៊ុនមួយដោយខ្លួនឯងទៀតផង៕