ភ្នំពេញ៖ សមត្ថកិច្ចឃាត់ខ្លួនជនសង្ស័យម្នាក់ បន្តាប់ពីបានសុំសាកម៉ូតូគេហើយ បែជាបើកគេចយកម៉ូតូទៅបាត់ ដោយមិនព្រមយកមកឲ្យម្ចាស់ដើមវិញ។ នេះបើតាមស្នងការដ្ឋាននគរបាលរាជធានីភ្នំពេញ។
កម្លាំងប៉ុស្តិ៍នគរបាលរដ្ឋបាលចោមចៅទី៣ បានឃាត់ខ្លួនជនសង្ស័យម្នាក់ រួមជាមួយម៉ូតូ១គ្រឿង ម៉ាក់ ហុងដា KAWASAKI កាលពីថ្ងៃទី២៩ ខែមេសា ឆ្នាំ២០២២ ស្ថិតនៅភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមសមត្ថកិច្ចបានឲ្យដឹងថា ការឃាត់ខ្លួននេះ បន្ទាប់ពីទទួលបានពាក្យបណ្តឹងរបស់ជនរងគ្រោះជាម្ចាស់ម៉ូតូថា មានជនសង្ស័យម្នាក់ បានសុំសាកម៉ូតូខ្លួន ហើយបែជាជិះម៉ូតូគេចទោបាត់។
បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលខណ្ឌពោធិ៍សែនជ័យ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមផ្លូវច្បាប់៕