ថៃ – ហេតុអីបានជានារីៗសម័យនេះលង់ស្នេហ៍ Gong Yoo មួយម៉ាត់ណាក៏ Gong Yoo នេះគឺជាចម្ងល់ដែលបុរសភាគច្រើនជាពិសេសនៅប្រទេសថៃចង់ដឹង។ បុរសសង្ហារូបនេះមិនមែនជាកំលោះវ័យខ្ទង់២០ឆ្នាំនោះទេ តែឈានចូលដល់វ័យគេហៅថាពូទៅហើយ ប៉ុន្តែមន្តស្នេហ៍របស់លោកនៅតែអាចអន្ទងបេះដូងនារីៗឱ្យឈ្លក់វង្វេងនិងងប់ងល់នឹងលោកដដែល សូម្បីតែបៃហ្វឺន (Baifern) តួឯកស្រីល្បីឈ្មោះនៅក្នុងភាពយន្ត «Friend zone» ក៏ធ្លាប់សារភាពឥតលាក់លៀមដែរកាលពីពេលថ្មីៗនេះថា ខ្លួនបានផ្ញើឆាត Private ទៅសារភាពស្នេហ៍ថែមទៀតផង។ តោះមកដឹងហេតុផល១០យ៉ាងដែលធ្វើឱ្យ Gong Yoo គឺជាបុរសមានមន្តស្នេហ៍ក្នុងកែវភ្នែកនារីៗ បុរសៗយើងអាចយកទៅសិក្សាតាមបានណា!
១. កាន់តែចាស់កាន់តែសង្ហា
Gong Yoo គឺជាឧទាហរណ៍យ៉ាងល្អសម្រាប់ពាក្យថាអាយុគ្រាន់តែជាតួលេខ ព្រោះគ្មានអ្នកណាស្មានដល់ទេថាបុរសមុខសង្ហារូបនេះមានអាយុ៤៣ឆ្នាំទៅហើយ ប៉ុន្តែភាពចាស់ជរាមិនអាចធ្វើអ្វីគេបាននោះទេ ព្រោះមើលយ៉ាងណាក៏មិនសមជាបុរសវ័យខ្ទង់៤០ប្លាយដែរ
២. ភាពសិចស៊ីដ៏ទាក់ទាញ
បើនិយាយពីរឿងសិចស៊ីវិញ គ្រាន់តែ Oppa Gong Yoo ដោះអាវបញ្ចេញសាច់ដុំក្បាលពោះ បន្តិចបន្តួចក៏អាចធ្វើឱ្យបេះដូងនារីៗធ្លាក់ក្នុងអន្លង់បានដែរ
៣.ស្រលាញ់សុខភាព រូបរាងក៏ស្អាតខ្លាំងណាស់ដែរ
ឃើញ Gong Yoo មានរូបរាងស្អាតបែបនេះ មិនមែនបានមកដោយងាយនោះទេ ព្រោះគេគឺជាមនុស្សម្នាក់ដែលឧស្សាហ៍ហាត់ប្រាណណាស់ ព្រោះបើសិនជាត្រូវហាត់យករាងដើម្បីថតកុន ថតបង្ហាញម៉ូដ នោះបុរសសង្ហារូបនេះនឹងហាត់ទាំងព្រឹកនិល្ងាច។ ប៉ុន្តែមិនមានអ្នកណាដឹងទេថាកាលពីក្មេង Gong Yoo ធ្លាប់ត្រូវបានគេហៅថា «អាក្បាលដៃណូស័រ» «អាក្បាលតូច» ព្រោះគេជាមនុស្សខ្លួនធំ ដៃជើងវែង តែមានក្បាលតូច។
៤.មានលក្ខណៈសម្បត្តិជាស្វាមីដ៏ល្អ
លក្ខណៈសម្បត្តិដែលនិយាយមកនេះគឺការចម្អិនម្ហូបដាំបាយ ព្រោះ Gong Yoo ជាមនុស្សចូលចិត្តធ្វើម្ហូបណាស់ ថែមទាំងជាអ្នកគាំទ្រកម្មវិធីធ្វើម្ហូបរបស់ចុងភៅល្បីកូរ៉េប ប៊េក ចុងវ៉ុន រហូតដល់ថ្នាក់បានធ្វើម្ហូបតាមចុងភៅរូបនេះគ្រប់មុខថែមទៀតផង
៥.ជាមនុស្សហ្វ្រិនលី(រួសរាយ)និងចូលចិត្តលេងសើច
គ្រប់គ្នាសុទ្ធតែមើលឃើញច្បាស់តាមរយៈឃ្លីប Viral (វ៉ៃរ៉ាល់) ផ្សេងដែលអូសកាត់ឃើញនៅលើហ្វេសប៊ុក កុងយូ តែងតែមានរូបភាពគួរឱ្យស្រលាញ់ បែបលេងសើចចែករំលែកឱ្យអ្នកគាំទ្របានឃើញជានិច្ច។
៦. ជាសម្បត្តិរបស់ជាតិ
កុងយូ គឺជាតារាសម្ដែងកូរ៉េម្នាក់ក្នុងចំណោមតារាឯកប្រុសដែលត្រូវបានលើកឱ្យក្លាយជា «សម្បត្តិរបស់ជាតិកូរ៉េ» ព្រោះស្ថិតក្នុងចំណោមតារាប្រុសដែលមានតម្លៃ មុខមាត់ស្អាត និងជាពិសេសនោះគឺមិនទាន់មានសង្សារឬប្រពន្ធ!
៧.ច្រៀងចម្រៀងបានថែមទាំងពីរោះដូចអ្នកអាជីព
អ្នកដែលអាចច្រៀងបាន លេងតន្ត្រីកើត គឺជាគុណសម្បត្តិដែលស្ត្រីប៉ងប្រាថ្នា ហើយកុងយូគឺជាម្នាក់ក្នុងចំណោមនោះ សំឡេងពីរោះរហូតធ្លាប់បានច្រៀងអមភាពយន្តដែលគេសម្ដែង «Finding Mr. Destiny 2010» និងបទចម្រៀងអមភាពយន្តភាគ «Big 2012»។
៨.អាចលេងកីឡាបាន
កុងយូចូលចិត្តលេងកីឡាបាល់បោះនិងប៊េស្ប៉ល ដោយសមត្ថភាពកីឡារបស់គេអាចទទួលបានពីហ្សែនខាងឪពុកព្រោះប៉ារបស់គេធ្លាប់ជាកីឡាប៊េស្ប៉លមកពីមុន…តើមានអ្វីដែលពិសេសពិសាលលើបុរសដែលចេះធ្វើម្ហូប ច្រៀងចំរៀងលេងហ្គីតា ថែមទាំងអាចលេងកីឡាបានទៀត។
៩.ជាទូត UNICEF តំណាងពិសេសការពារសិទ្ធកុមារ
កុងយូ បានចូលរួមក្នុងកិច្ចការពារប្រឆាំងនឹងអំពើហិង្សាលើកុមារ ហើយបានផ្ដល់ចំណេះដឹងរឿងជំងឺអេដស៍ដល់ក្មេងខ្វះឱកាសនៅក្នុងប្រទេសកម្ពុជាកាលពីឆ្នាំ២០១៤នផងដែរ។
១០.គួរឱ្យស្រលាញ់
អ្នកណាហ៊ានប្រកែកថាកុងយូមិនគួរឱ្យស្រលាញ់ចេញមុខមក!
ប្រភព៖ Mangozero
អត្ថបទទាក់ទង៖