នៅសល់តែប៉ុន្មានថ្ងៃទៀតប៉ុណ្ណោះ វិញ្ញាសាបាល់ទាត់បុរស នឹងចាប់ផ្ដើមប្រកួតហើយក្នុងព្រឹត្តិការណ៍កីឡាស៊ីហ្គេមលើកទី៣១ ឆ្នាំ២០២២ នៅប្រទេសវៀតណាម ខណៈនៅរសៀលថ្ងៃអាទិត្យ ទី១ ខែឧសភា នេះក្រុមបាល់ទាត់បុរសរបស់មីយ៉ាន់ម៉ា បានធ្វើដំណើរដល់រដ្ឋធានីហាណូយ មុនគេ។
ក្រុមមីយ៉ាន់ម៉ា បានធ្វើដំណើរឆ្ពោះត្រង់ពីបោះជម្រុះហ្វឹកហាត់នៅអារ៉ាប់រួម ទៅកាន់ប្រទេសវៀតណាម ដែលមានសមាជិក២៥នាក់ ដោយក្នុងនោះមាន៤នាក់ប្រកបអាជីពនៅក្រៅស្រុក នឹងធ្វើដំណើរទៅដល់ហាណូយ នៅថ្ងៃទី២ ខែឧសភា ស្អែកនេះ។
សម្រាប់ការប្រកួតកីឡាស៊ីហ្គេមឆ្នាំ២០២២ មានក្រុមចូលរួមចំនួន១០ប៉ុណ្ណោះ សម្រាប់វិញ្ញាសាបាល់ទាត់បុរស ដោយពូល A មានម្ចាស់ផ្ទះវៀតណាម, ឥណ្ឌូណេស៊ី, មីយ៉ាន់ម៉ា, ហ្វីលីពីន,ទីម័រខាងកើត ហើយពូល B មានថៃ, ម៉ាឡេស៊ី,កម្ពុជា, សិង្ហបុរី និងឡាវ។
ចំពោះប្រកួតបើកឆាកវិញ្ញាសាបាល់ទាត់បុរសនឹងធ្វើឡើងនៅថ្ងៃទី៦ ខែឧសភា ឆ្នាំ២០២២ ដែលការប្រកួតពូល A មុនគេ ដោយហ្វីលីពីន ជួបទីម័រខាងកើត នៅកីឡដ្ឋាន Việt Trì Stadium ក្នុងខេត្តPhú Thọ វេលាម៉ោង៤ល្ងាច ហើយគូបន្ទាប់ក្រុមវៀតណាម ទទួលឥណ្ឌូណេស៊ី នៅម៉ោង៧យប់។
រូបថត៖TN0