កំពង់ស្ពឺ ៖ សមត្ថកិច្ចខេត្តកំពង់ស្ពឺ ឃាត់រថយន្តសាំយ៉ុង០១គ្រឿង លួចដឹកឈេីដោយគ្មានលិខិតអនុញ្ញាតត្រឹមត្រូវកាលពីយប់ថៃ្ងទី ០១ ខែឧសភា ឆ្នាំ២០២២ នៅចំណុចភូមិត្រពាំងអង្គ្រង ឃុំត្រពាំងជោ ស្រុកឱរ៉ាល់។
លោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ បានបញ្ជាកម្លាំង ចុះស្រាវជ្រាវ និងឃាត់រថយន្តម៉ាកសាំយ៉ុង១គ្រឿង ពណ៌ស ពាក់ស្លាកលេខ ភ្នំពេញ 2H-6592 ដឹកឈេីអារ ប្រភេទចម្រុះ ប្រមាណ ៤០សន្លឹក ដោយគ្មានលិខិតអនុញ្ញាតដឹកជញ្ជូនអនុផលព្រៃឈេីត្រឹមត្រូវ។ រីឯអ្នកបេីកបរពេលសមត្ថកិច្ចប្រតិបត្ដិការបានរត់គេចខ្លួនបាត់។ នេះបើតាមស្នងការដ្ឋាននគរបាលខេត្តកំពង់ស្ពឺ។
លោកវរសេនីយ៍ឯក ហេង សំរេច នាយការិយាល័យប្រឆាំងបទល្មេីសសេដ្ឋកិច្ចបានឲ្យដឹងថា បច្ចុប្បន្ន រថយន្ត រួមជាមួយឈើអារទាំង៤០សន្លឹកខាងលើ ត្រូវបានយកទៅរក្សាទុកជាបណ្ដោះអាសន្ននៅស្នងការដ្ឋាននគរបាលខេត្ដកំពង់ស្ពឺ ដើម្បីប្រគល់ជូនជំនាញរដ្ឋបាលព្រៃឈេីចាត់ការបន្តតាមនីតិវិធី៕
