សហព័ន្ធកីឡាបាល់ទាត់កូរ៉េខាងត្បូង បានបញ្ជាក់ជាផ្លូវការព្រឹកថ្ងៃពុធ ទី៤ ខែឧសភា ឆ្នាំ២០២២ នេះថាក្រុមបាល់ទាត់បុរសរបស់ខ្លួននឹងធ្វើជាម្ចាស់ផ្ទះក្នុងជំនួបប្រកួតមិត្តភាពអន្តរជាតិចំនួន៤ប្រកួតមុនចូលរួមប្រកួតដណ្តើមជើងឯកប្រចាំតំបន់អាស៊ីខាងកើត និងចូលរួមប្រកួត FIFA World Cup 2022 នៅប្រទេសកាតារ។
ប្រកួតទី១៖ ២ មិថុនា ២០២២ កូរ៉េខាងត្បូង ប៉ះ ប្រេស៊ីល
ប្រកួតទី២៖ ៦ មិថុនា ២០២២ កូរ៉េខាងត្បូង ប៉ះ ឈីលី
ប្រកួតទី៣៖ ១០ មិថុនា ២០២២ កូរ៉េខាងត្បូង ប៉ះ ប៉ារ៉ាហ្គាយ
ប្រកួតទី៤៖ ១៤ មិថុនា ២០២២ កូរ៉េខាងត្បូង ប៉ះ (ក្រុមមិនទាន់ច្បាស់)
សម្រាប់ប្រកួតផ្លូវការដណ្តើមពានរង្វាន់នៅពេលខាងមុខ ក្រុមបាលទាត់កូរ៉េខាងត្បូង នឹងចូលរួមប្រកួតដណ្តើមពានរង្វាន់ជើងឯកអាស៊ីខាងកើត 2022 EAFF E-1 Football Championship នៅប្រទេសជប៉ុន ក្នុងខែកក្កដា ឆ្នាំ២០២២ ហើយនៅខែវិច្ឆិកា ឆ្នាំ២០២២ ក្រុមប្រទេសនេះត្រូវចូលរួមប្រកួតដណ្តើមជើងឯកពិភពលោក 2022 FIFA World Cup ដែលស្ថិតក្នុងពូល H៕